1Metei ara Sargón mburuvicha guasu Asiria pegua ombou metei mburuvicha Tartán jee vae, tëta guasu Asdod jee vae pe; ou oñemopüa jókuae tëta re jare opɨ̈ro.
2Jókuae ara rupi yandeYa imiari ñeemombeúa Isaías, Amoz taɨ pe, jei chupe körai: “Emboi ndeyeugüi jókuae temimonde mbɨatɨtɨ pegua jare emboi vi ndepɨapaa.”
Jökorai oyapo Isaías, jare oguata ipɨgüɨrai jare omboi jókuae jemimonde mbɨatɨtɨ pegua.
3Jare yandeYa jei: “Kuae mboapɨ año cherembiokuai Isaías oiko inandi jare ipɨgüɨrai vae, omoërakua ko mbae Egipto jare Etiopía kotɨ.
4Jökoraita ko mburuvicha guasu Asiria pegua opa güɨraja tembipɨɨrä Egipto pegua reta jare Etiopía pegua reta, taɨrusu vae jare ndechi, ipɨgüɨraita jare inandita, jevi oyekuaañota, imara reta vaerä.
5Jare opaete vae okɨɨyeta jare imarata, echa Etiopía re oyerovia reta tëi, jare Egipto ko jae reta iyemboetea tëi.
6Jare jókuae ara opaete yogüɨreko ɨguasu jembeɨ kuae kotɨgua reta jeita: ‘Mase, kërai ou oasa yayerovia yepi jese vae, chupe yaiporu yepi yandereepɨ vaerä mburuvicha guasu Asiria pegua güi. ¿Këraita pa yaasayepe añave?’ ”
Who We AreWhat We EelieveWhat We Do
2025 by iamachristian.org,Inc All rights reserved.
