MIQUEAS 5 - Guarani Bible with DC

Oporoepɨ vae oporookuaita Belén güi

1“Añave peñekëse ovapetea guasu pe,

Jerusalén pegua reta,

echa opa peñeovauka;

Israel iñemuña reta juvicha guasu pe oiporarauka yae retata.

2Ërei nde Belén Efrata,

nemichi yae reï vaerä opaete Judá pegua ñemuña reta ipɨte pe,

ndegüi oëta cheve Israel

jare yandereepɨta Asiriaɨgua reta güi,

yogüeru opɨ̈ro yandeɨvɨ yandegüi yave.

7Jacob iñemuña güi jembɨregüe reta

yogüɨrekota ïru tëta guasu reta rupi;

yandeYa ombou ɨsápɨi rami;

ñana re ama oa rami,

kuae reta mbaetɨ oäro kuimbae reta jemimbota.

8Körai eteita ko Jacob iñemuña reta jembɨregüe,

ïru tëtaguasu reta rupi;

yaguapope, mɨmba ñanaɨgua reta ipɨte rupi rami,

yaguapope raɨ vecha reta ipɨte rupi rami;

kuae oasa yave mɨmba reta ipɨte rupi,

mbaetɨ ipuere ojoyepe chugüi vae.

9Köraita pe pepüa perovaicho reta kotɨ;

jare pemboaita opaete perovaicho reta.

10YandeYa jei:

“Jókuae rupi ayukata pegüi pekavayu reta,

jare arokomeguata pekäretou reta;

11opata vi amboai peɨvɨ pegua tëta guasu reta

jare opaete peɨvɨ ikësea reta amboaita;

12jökoraiño vi opata amboai pegüi

imbaekuaa vae reta jare ngaraa ma oime pepɨte rupi

mbaekuaa rupi mbae oecha vae reta;

13opata amboai pegüi pepoki rupi mbae peyapo vae reta,

mbae iä reta opata amboai pepɨte güi,

ngaraa ye ma pemboete pepo pe peyapogüe reta.

14Amboaita Asera iä reta pepɨte güi,

jare opata vi amboai perëta guasu reta.

15Chearasɨ yae rupi,

ayepɨta tëtaguasu reta mbaetɨ chererovia vae re.”