2 CRÓNICAS 4 - Guarani Bible with DC

Tupao guasu pegua mbaembae reta(1 R 7.23-51)

1Salomón oyapo vi mɨmba oyeyuka oyeapɨ jese vae jieroEx 27.1-2. iyu vae pegua, chau metro güɨnoi ipukugüe jare ipɨgüe, jare ɨvategüe güɨnoi irundɨ metro y medio.

2Oyapo vi ɨrɨru tuicha vae jiero iyu vae oyemondɨkuigüe pegua, güɨnoi irundɨ metro y medio ipɨgüe, ɨvategüe güɨnoi mókoi metro jare veinticinco centímetro, jare ikúa oyere oñejäa vae güɨnoi trece metro y medio.

3Jare jókuae ɨrɨru jembeɨ igüɨ rupi güɨnoi andai ia iä mókoi ñesɨro güɨroyere jese, cuarenta y cinco centimetroa pe oñono payandepo, jare kuae reta oyemondɨkui oyeapo ɨrɨru ndive metei ramiño.

4Kuae ɨrɨru oguapɨ oï doce toro iä reta re: Mboapɨ omae ɨvɨtuguasu kotɨ, mboapɨ omae arayevɨ kotɨ, jare mboapɨ omae kuaraɨ oëa kotɨ mboapɨ omae kuaraɨ oikea kotɨ; opareve güɨnoi jumbɨ ɨrɨru igüɨ kotɨ.

5Kuae ɨrɨru yandambusugüe güɨnoi juri centímetro; jembeɨ kopaecha, ani tüpa-ɨpɨ ipotɨ rami; iporusugüe oupitɨ sesenta y seis mil litro pegua.

6Oyapo vi payandepo ɨrɨru,Ex 30.17-21. pandepo oñono ɨrɨru tuicha vae iyakatu kotɨ jare pandepo iyasu kotɨ. Pɨpe oyoe vaerä tembiporu reta mɨmba oyeyuka opaetei oyeapɨ vae re oyeporu vae, ërei ɨrɨru tuicha vae jae ko sacerdote reta oyeyoe pɨpe vaerä.

7Oyapo vi payandepo mechero jenda oroEx 25.31-40. pegua, kërai oyeapo vaerä rami, kuae reta oñono tupao guasu pe, pandepo iyakatu kotɨ jare ïru pandepo iyasu kotɨ.

8Jaeramiño vi oyapo payandepo mesaEx 25.23-30. jare oñono tupao guasu pe pandepo iyakatu kotɨ jare pandepo iyasu kotɨ. Oyapo vi cien tasa guasu oro pegua.

9Oyapo vi oka sacerdote reta peguarä, jare oka tuicha vae jöke reta reve, kuae öke reta opa oñova jiero iyu vae pe.

10Jare ɨrɨru tuicha vae oñono tupao guasu iyakatu kotɨ kuaraɨ oëa kotɨ, arayevɨ kotɨ äve mí.

11Hiram oyapo vi yapepo reta, sɨpe reta jare tasa guasu reta. Jökorai Hiram opa oyapo mbaravɨkɨ mburuvicha guasu Salomón pe, Tumpa itupao guasu peguarä.

12Oyapo mókoi okɨta guasu jare karena reta okɨta guasu reta iyapɨte omopöra vae, mókoi pɨsa rami oñeope vae, oñova vaerä okɨta iyapɨte omopöra vae yapúa vae.

13Cuatrociento temitɨ granada ia iä oï mókoi pɨsa rami oñeope vae re, oñova vaerä mókoi reve jókuae okɨta iyapɨte omopöra vae yapúa vae.

14Oyapo vi ɨrɨru iguapɨka reta, jare jókuae re omboguapɨ ɨrɨru reta,

15ɨrɨru tuicha vae jare doce toro iä reta ɨrɨru igüɨ pegua,

16jare yapepo reta, sɨpe reta, tɨ̈ai reta.

Hiram-abi oyapo opaete tembiporu reta jiero iyu vae ikavi yae vae pegua mburuvicha guasu Salomón pe, yandeYa itupao guasu peguarä.

17Mburuvicha guasu omondɨkuiuka oyapo ɨvɨkuitï pegua molde pe Jordán iɨvɨpe kavi pe, Sucot jare Seredata ipäu pe.

18Salomón oyapo opaete kuae tembiporu reta jiero iyu vae pegua, jare jeta yae ramo mbaetɨ ipuere oñejäa ipoɨgüe.

19Jökorai Salomón oyapo opaete tembiporu reta, Tumpa itupao guasu peguarä, jare ikäti kavi vae incienso oyeapɨ jese vae oro pegua, jare mesa oro pegua mbɨyape reta mbaemboete pegua oñeñono jese vae,

20jaeramiño vi mechero renda reta, jare mechero oro oyeambae pegua omoendɨ reta vaerä tupao japɨpe oñeñono tee kavi yae vae jóvai, mborookuai oñemee rami,

21jare mbaepotɨ iä reta, mechero raɨ reta jare tenasa reta oyeapo oro oyeambae vae pegua yepeai,

22mechero imecha oyeasɨa pɨpe vae tenasa reta, tasa guasu reta, kuchara reta, jare tätapɨi rɨru reta oro oyeambae pegua. Jare oro pegua vi yaikea öke japɨpe, tupao guasu japɨpe oñeñono tee kavi yae vae, jare jöke reta.