EZEQUIEL 1 - Guarani Bible with DC

Tumpa iyemboetea oyekuaa vae regua

1-3Che sacerdote Ezequiel, Buzi taɨ, metei ara aï ɨ̈aka Quebar jembeɨ pe, Babilonia pe, tembipɨɨ oyereraja vae reta ipɨte pe yave, oyepea ara,Ap 19.11. jare aecha Tumpa. Kuae ko oasa treinta añoa re, irundɨa yasɨ re, pandepo araa pe, jae ko pandepo año ma mburuvicha guasu Joaquín oyererajauka tembipɨɨrä yave.2 R 24.10-16; 2 Cr 36.9-10. YandeYa ombou oñono ipo cheré.

4Amae jare aecha ɨvɨtuguasu kotɨ güi ou ɨvɨtuai yavaetegüe; jare metei amapɨtu tuicha vae güi oë tata jendɨasɨ vae, jare iyɨ́vɨri jembipeasɨ yae vae. Jókuae tata mbɨte pe oyekuaa jembipe, metei jiero iyu vae oyepiro yae rami vae,

5jare jókuae tata jembipe vae mbɨte pe aecha irundɨ mbae;Ex 25.18-22; 1 R 6.23-28; Ap 4.6. oyekuaa kuimbaeecha vae.

6Metei ñavo güɨnoi reta irundɨ jova jare irundɨ ipepo;

7itɨma reta isɨmbi, ipɨ toro taɨrusu vae ipɨ rami, jare jembipeasɨ yae jiero iyu vae oyemoembipeasɨ vae rami.

8Irundɨ ipepo reta igüɨ ñavo pe, güɨnoi kuimbae ipo, irundɨ iyɨke re. Jova reta jare ipepo reta güɨnoi irundɨ iyɨke re.

9Ipepo reta pe oyoupitɨ ïru ipepo reta ndive. Oguata yave mbaetɨ oyerova ye, jaeño ojo jenonde kotɨ.

10Jókuae irundɨ jova reta oyekuaa körai: Jenonde kotɨ kuimbae jova rami; iyakatu kotɨ, yaguapope jova rami; iyasu kotɨ, toro jova rami; jare jaɨkue kotɨ, güɨraké jova rami.Ez 10.14; Ap 4.7.

11Jökorai jova reta. Mókoi ipepo oupi ɨvate vae oyoupitɨ ïru reta ipepo ndive, ïru mókoi ipepo pe oñova reta jete.

12Metei ñavo ojo isɨmbi jenonde kotɨ, mbaetɨ oyerova jaɨkue kotɨ oguata ma yave. Yogüɨraja Tumpa imbaepuere güɨrajaa kotɨ.

13Jókuae mbae reta, oyekuaa tätapɨi jendɨ vae rami, ani mechero jendɨ vae rami,Ap 4.5. jókuae oyepɨu ipɨte reta rupi. Jókuae jembipeasɨ yae vae güi, oë ama-veraecha vae.

14Jare jókuae mbae reta, ojo jare ou ye jarembae mbae pegua ama-vera rami.

15Amae ramboeve jókuae mbae reta re, aecha ruera ɨvɨ pe oï jae reta iyɨpɨ ñavo pe, metei ruera irundɨ reve iyɨke pe.

16Irundɨ reve jókuae ruera reta oyovake, jembipe iyu jësaka ita crisólito rami. Japɨpe ñavo oimeecha ïru ruera.

17Oguata reta yave, ipuere ojo oipota rupi jókuae irundɨ iyɨke kotɨ, mbaetɨ oyerova ye oguata yave.

18Jare ruera ɨvate yae jare ñaneiämondo, güɨnoi jeta jesaAp 4.8. opaete iyɨ́vɨri rupi irundɨ ruera reve.

19Jókuae mbae reta oguata yave, ruera reta osɨrɨ vi jae reta ndive, jare jókuae mbae reta oyemboɨvate ɨvɨ güi yave, ruera reta oyemboɨvate vi.

20Jókuae mbae reta oguata Tumpa imbaepuere güɨrajaa kotɨ, ruera reta ojo vi jae reta ndive, echa jókuae mbae reta jekove oï ruera reta re.

21Jókuae mbae reta oguata yave, ruera reta ojo vi, jae reta opɨta yave, ruera reta opɨta vi; jae reta oyemboɨvate ɨvɨ güi yave, ruera reta oyemboɨvate vi jae reta ndive. Echa jókuae mbae retaEz 10.9-13. jekove oï ruera reta re.

22Iñäka reta iárambo oyekuaa, metei oasavi rami vae, jembipe jësaka vae.Ap 4.6.

23Jare oasavi vae igüɨ pe, jókuae mbae reta ipepo omoata vae oyoupitɨ ïru ipepo ndive, mókoi ipepo pe oñova metei ñavo jete.

24Jare aendu ipepo reta jɨapu oguata reta yave, ɨ tuicha vae jɨapu rami, Imbaepuere yae ete vae iñee rami, jeta yae vaeAp 1.4-15; 19.6. reta jɨapu oyeendu rami, sundaro jeta yae vae jɨapu oyeendu rami. Opɨta reta yave, ombogüeyɨ reta ipepo.

25Opɨta reta jare ombogüeyɨ reta ipepo yave ñavo, oyeendu ñee jókuae oasavi vae iárambo, jae reta iárambo.

26Jókuae oasavi vae iárambo aecha metei mburuvicha iguapɨa, ita zafiro jee vae rami vae, jare jókuae mburuvicha iguapɨa rami vae re oguapɨ oï metei kuimbaeecha vae.Ez 10.1; Ap 4.2-3.

27Jare aecha oyekuaa ikúa güi ɨvate kotɨ, jiero iyu vae jembipe yae rami, jare ikúa güi ɨ́vɨkotɨ, oyekuaa tata rami.Ez 8.2. Jare iyɨ́vɨri jembipeasɨ yae.

28Okɨ yave yɨɨ oyekuaa ara re rami jembipeasɨ iyɨ́vɨri. Jökorai oyekuaa yandeYa iyemboetea. Kuae aecha yave, ayetavatɨka jare chetindɨasɨ ɨvɨ re, javoi aendu metei ñee.