1Acaz güɨnoi veinte año omboɨpɨ oï mburuvicha guasurä yave jare oiko mburuvicha guasurä diecisei año Jerusalén pe; ërei mbaetɨ oyapo jupi vae yandeYa jesa róvai, iñemuñagüe David rami,
2echa omomoe mburuvicha guasu reta Israel pegua oyapo vae, oyapo Baal reta iä oyemondɨkui oyeapo vae,
3oapɨ vi ikäti kavi vae incienso ɨvɨtɨ päu ipe kavi vae Hinom pe, jare omee taɨ reta oapɨuka vaerä, ïru tëtaguasu reta ikavimbae yae vae oyapoñoi rami, jókuae yandeYa opa güɨnoe omombo Israel iñemuña reta jenonde güi vae.
4Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta rupi, jare opaete ɨvɨra iküaraɨa kavi yae vae igüɨ rupi.
5Jáeramo iYa Tumpa omee Siriaɨgua reta juvicha guasu ipo pe, jare kuae reta omoamɨri jare oipɨɨ reta jeta tembipɨɨrä güɨraja Damasco kotɨ. YandeYa omee vi mburuvicha guasu Israel pegua ipo pe, körai ñamɨriasɨ yae opɨta.
6Peka, Remalías taɨ oyuka Judá pe metei ara pe ciento veinte mil kuimbae jëia vae, echa oeya reta ramo yandeYa iñemuñagüe reta Tumpa.2 R 16.5; Is 7.1.
7Jare Zicri, Efraín pegua kuimbae imbaepuere yae vae, oyuka Maasías, mburuvicha guasu taɨ, jare Azricam mburuvicha guasu jembiokuai reta itenondegua, jare mburuvicha Elcana mburuvicha guasu iyɨvɨrigua tenondegua ete.
8Sundaro reta Israel pegua oipɨɨ dosciento mil tembipɨɨrä jëtara Judá pegua reta, kuña reta, kunumi reta jare kuñatai reta reve, jare opɨ̈ro reta jeta mbaembae jare güɨraja reta Samaria pe.
9Jayave rupi oiko joko pe yandeYa iñeemombeúa Obed jee vae, jae oë sundaro reta japerä pe, oike retata ma Samaria pe yave, jei chupe reta:
—YandeYa, peñemuñagüe reta iTumpa iyarasɨ Judá pegua reta kotɨ, jókuae jeko pegua omee pepo pe. Ërei pe reta peyukaasɨ katu pearasɨ yae reve.
10Jaeramiño vi Judá pegua reta jare Jerusalén pegua reta opa peñono yogüɨreko vaerä perembiokuairä. Jayave ¿pe reta mbaetɨ pa ko peyoa yandeYa Tumpa kotɨ?
11Jáeramo peyapo kuae jae peve vae, pemboyerova ye tembipɨɨrä peipɨɨ peru perëtara reta vae; echa yandeYa iyarasɨ oï pekotɨ.
12Jayave Azarías, Johanán taɨ; Berequías, Mesilemot taɨ; Ezequías, Salum taɨ jare Amasa, Adlai taɨ jae ko Efraín iñemuña reta itenondegua reta, oñemopüa reta ñeraroa güi yogüeru ye vae reta kotɨ,
13jare jei chupe reta:
—Agüɨye peru kuae pe jókuae tembipɨɨ reta, echa jókuae rupi yandeyoata ko yandeYa kotɨ. Pe reta peipota pemoïru eteño yandeyoa jare yandereko, yandeYa iyarasɨ yaeta ko Israel kotɨ.
14Jayave sundaro reta oyora jókuae tembipɨɨ reta, jare oeya mbaembae opɨ̈rogüe mburuvicha reta jóvai jare jeta vae jóvai.
15Jayave jókuae tenondegua reta oipɨɨ tembipɨɨ reta jare jókuae temimonde oñepɨ̈rogüe reta pe omboemimonde inandi vae; omee reta ipɨɨrurä, javoi omee reta okaru jare omboɨu reta jare oipoano chugüi reta iperegüe, jare opaete ipuerembae ombopo güɨraja reta mburika re Jericó kotɨ, jae ko tëta guasu karandaɨtɨ pegua, jëtara reta pɨri. Javoi opa ye oyerova Samaria kotɨ.
16Jókuae ara rupi mburuvicha guasu Acaz omondo oiporu yemborɨ mburuvicha guasu Asiria pegua pe,
17echa Edom iñemuña reta oporepeña vi Judá pegua reta re, jare omoamɨri, jare güɨraja reta tembipɨɨrä joko güi.
18Jaeramiño vi filisteo reta opa oñemoai tëta guasu reta ɨvɨpe kavi rupigua rupi jare Neguev ɨvɨ Judá pegua rupi, jare opɨ̈ro reta tëta Bet-semes, Ajalón, Gederot, Soco, Timna jare Gimzo; opaete kuae reta tëta ñavo tëta raɨ raɨ ndive, jare oñemoëta reta jokoropi.
19Echa yandeYa omomichi Judá pegua reta, Acaz mburuvicha guasu Israel pegua jeko pegua, echa jae oiko oyeandumbae reve Judá pe, jare mbaetɨ etei jupi oiko yandeYa kotɨ.
20Ou vi Acaz kotɨ Tiglat-pileser, Asiriaɨgua reta juvicha guasu, omborɨ vaerägüe, ou omoambeko.
21Echa yepe tëi Acaz güɨnoe mbaembae jepɨ vae yandeYa jo pegua, mburuvicha guasu jo pegua jare mburuvicha reta jo pegua omboepɨ vaerä mburuvicha guasu Asiria pegua pe, ërei jeseve jae mbaetɨ omborɨ.
22Yepe tëi yemoambeko pe güɨnoi vae, jae jeieteño iyoa yandeYa kotɨ,
23echa omee mɨmba oyeyukagüe Damasco pegua reta itumpa reta pe, omoamɨriuka vae reta pe. Echa oyemongeta Siria pegua mburuvicha guasu itumpa reta omborɨ ko vae, jáeramo jae oyemongeta omborɨta vi ko jae omee chupe yave mɨmba oyeyukagüe. Ërei kuae oyapo jeko pegua ko jae ou iñamɨri jare opaete Israel iñemuña reta.
24Acaz omboatɨ tembiporu reta Tumpa jo pegua jare opa oyoka, javoi oyokenda yandeYa jo jöke jare oyapouka iyeupe mɨmba oyeyuka oyeapɨ jese vae opaete Jerusalén rupi.
25Oyapo vi mbaemboete renda ɨvɨtɨ reta rupi opaete tëta guasu reta Judá pegua rupi, oapɨ vaerä ikäti kavi vae incienso tumpa ambuae reta pe, jökorai omboarasɨuka yandeYa iñemuñagüe reta iTumpa.
26Ïru mbaembae Acaz oyapogüe reta jare kërai oiko tenonde rupi jare taɨkue rupi vae, oyekuatía oï tembikuatía Judá pegua jare Israel pegua mburuvicha guasu reta regua oyekuatía oïa pe.
27Omano yaveIs 14.28. oñotɨ reta iñemuñagüe reta oñeotɨa pe, tëta guasu Jerusalén pe, ërei mbaetɨ oñono reta mburuvicha guasu reta Israel pegua jɨvɨa pe. Jare taɨ Ezequías oguapɨ jekovia pe mburuvicha guasurä.
Who We AreWhat We EelieveWhat We Do
2025 by iamachristian.org,Inc All rights reserved.
