Johannes' openberring 16 - Bibel 1978/1985 - Bibelselskapet(Bibel1978)

1Så høyrde eg ei høg røyst frå templet som sa til dei sju englane: «Gå av stad og tøm dei sju skålene med Guds vreide ut over jorda!»

3Den andre engelen tømde si skål i havet, og det vart til blod som av ein død, og alt liv i havet døydde.

4Den tredje engelen tømde si skål i elvane og kjeldene, og dei vart til blod.

5Og eg høyrde engelen over vatnet seia: «Rettferdig er du som dømer slik, du som er og som var, du heilage.

8Den fjerde engelen tømde si skål ut over sola. Då fekk ho makt til å svi menneska med eld,

9og menneska vart brende i sterk hete. Likevel spotta dei Guds namn, han som har makt over desse plagene, og dei vende ikkje om og gav Gud ære.

10Den femte engelen tømde si skål ut over kongsstolen åt dyret. Då vart riket til dyret lagt i mørker, og folk beit seg i tunga av pinsle.

12Den sjette engelen tømde si skål i den store elva Eufrat. Då turka vatnet i elva bort, så det kunne rydjast veg for kongane frå Austerland.