Salmane 112 - Bibel 1978/1985 - Bibelselskapet(Bibel1978)

Sæl er den som ottast Herren!

1Halleluja!

Sæl er den som ottast Herren,

og har si store glede i hans bod.

2Hans ætt vert mektig i landet,

ætta åt dei ærlege får velsigning.

3Det er velstand og rikdom i hans hus,

hans rettferd skal alltid vara.

4Ljos bryt fram i mørkret for dei ærlege,

for den som er nådig, miskunnsam og rettferdig.

5Sæl er den som viljug gjev lån,

som steller med sitt på rett vis.

6Han skal aldri i æve rikkast,

evig er minnet om rettvis mann.

7Han er ikkje redd for vonde rykte,

hans hjarta er fast, han lit på Herren.

8Hans hug er roleg og utan otte,

til sist får han sjå at hans fiendar fell.

9Han strøyer ut, han gjev til dei fattige,

hans rettferd skal alltid vara;

stor vert hans makt og ære.

10Når dei gudlause ser det, harmast dei,

skjer tenner og veiknar bort.

Det dei gudlause vil, vert det ingenti ng av.