Esra 8 - Bibel 1978/1985 - Bibelselskapet(Bibel1978)

Ættehovdingane som fylgde Esra

1Dette er dei ættehovdingane som fylgde meg heim frå Babylonia då Artaxerxes var konge. Her vert dei nemnde etter ættelistene:

2Av Pinhas-ætta Gersjom; av Itamar-ætta Daniel; av Davids-ætta Hattusj,

3son til Sjekanja; av Parosj-ætta Sakarja og med han 150 mann som var oppskrivne i ættelistene;

4av Pakat-Moab-ætta Eljoenai, son til Serakja, og 200 mann med han;

5av Sattu-ætta Sjekanja, son til Jahasiel, og 300 mann med han;

6av Adin-ætta Ebed, son til Jonatan, og 50 mann med han;

7av Elam-ætta Jesaja, son til Atalja, og 70 mann med han;

8av Sjefatja-ætta Sebadja, son til Mikael, og 80 mann med han;

9av Joab-ætta Obadja, son til Jehiel, og 218 mann med han;

10av Bani-ætta Sjelomit, son til Josifja, og 160 mann med han;

11av Bebai-ætta Sakarja, son til Bebai, og 28 mann med han;

12av Asgad-ætta Johanan, son til Hakkatan, og 110 mann med han;

13som dei siste av Adonikam-ætta Elifelet, Je'iel og Sjemaja og 60 mann med dei;

14av Bigvai-ætta Utai og Sakkur og 70 mann med dei.

Dei bortførte kjem til Jerusalem

15Eg samla dei attmed den elva som renn til Ahava. Der låg vi i leir i tre dagar. Då eg mønstra folket og prestane, fann eg ingen av levittane mellom dei.

16Eg sende då bod etter ættehovdingane Elieser, Ariel, Sjemaja, Elnatan, Jarib, Elnatan, Natan, Sakarja og Mesjullam og etter lærarane Jojarib og Elnatan.

17Eg bad dei fara til Iddo, leiaren i Kasifja. Og eg fortalde dei kva dei skulle seia til han og bror hans, som var tempeltenarar der; dei skulle be om tenarar til huset åt vår Gud.

18Gud heldt si gode hand over oss, så dei sende oss ein vitug mann som heitte Sjerebja – ein etterkomar etter Makli, son til Levi, som var son til Israel – og sønene og brørne hans, 18 i talet.

19Like eins sende dei Hasjabja og med han Jesaja av Merari-ætta, og brørne hans og sønene deira, 20 i talet,

20og 220 av dei tempeltenarane som David og hovdingane hadde sett til å vera tenarar for levittane. Alle desse er oppskrivne i ættelistene.

21Der ved Ahava-elva lyste eg ut ei faste. Vi skulle audmykja oss for vår Gud og be om ei god ferd for oss sjølve og borna våre og for alt det vi åtte.