Salmane 125 - Bibel 1978/1985 - Bibelselskapet(Bibel1978)

Herren vernar om sitt folk

1Ein song til festferdene.

Dei som set si lit til Herren,

er som Sion-fjellet;

det skal aldri rikkast, men stå til evig tid.

2Liksom fjella ligg vernande om Jerusalem,

såleis vernar Herren om sitt folk

frå no og til evig tid.

3Nidings kongsstav skal ikkje kvila

på landet som dei rettferdige fekk,

så ingen rettferdig skal retta ut handa

og gjera det som vondt er.

4Herre, gjer godt mot dei gode,

mot dei som har ein ærleg hug.

5Men Herren sender frå seg

dei som slår inn på krokvegar,

og dei som fer med vondskap.

Fred vere over Israel!