Esekiel 37 - Bibel 1978/1985 - Bibelselskapet(Bibel1978)

Dei daude beina som livnar opp att

1Herrens hand kom over meg, og i ånda førte han meg ut og sette meg ned i ein dal som var full av bein.

11Så sa han til meg: Menneske, desse beina er heile Israels-folket. Høyr kva dei seier: «Våre bein har turka inn; vår von har vorte til inkjes, det er ute med oss!»

12Tal difor profetisk og sei til dei: Så seier Herren Gud: Sjå, mitt folk, eg opnar gravene dykkar og lèt dykk stiga opp or dei. Så fører eg dykk til Israels-landet.

20Stavane som du skriv på, skal du halda i handa framfor augo på dei.

21Og du skal seia til dei: Så seier Herren Gud: Sjå, eg hentar israelittane frå dei folkeslaga som dei fór bort til. Eg samlar dei frå alle kantar og fører dei til deira eige land.

22Så gjer eg dei til eitt folk i landet, på Israels-fjella. Alle skal dei ha ein og same kongen. Dei skal ikkje lenger vera to folk og ikkje meir vera delte i to kongerike.

26Eg gjer ei fredspakt med dei; ei evig pakt skal det vera. Eg lèt dei busetja seg og auka i tal, og eg reiser min heilagdom mellom dei for alltid. 34,25

27Min bustad skal vera mellom dei. Eg vil vera deira Gud, og dei skal vera mitt folk. 3 Mos 26,11.12; Jes 4,5; 2 Kor 6,16; Op 7,15

28Då skal folkeslaga sanna at eg er Herren, som helgar Israel, når min heilagdom er mellom dei for alltid.