Sakarja 6 - Bibel 1978/1985 - Bibelselskapet(Bibel1978)

Dei fire vognene

1Så lyfte eg augo att og fekk sjå fire vogner som kom fram mellom to fjell; fjella var av kopar.

2For den fyrste vogna var det raude hestar; for den andre vogna var det svarte hestar;

9Herrens ord kom til meg, og det lydde så:

10Ta imot gåver frå dei landlyste, frå Heldai, Tobia og Jedaja, og gå den dagen inn i huset til Josjia, son til Sefanja, dit dei er komne frå Babylonia.

11Og ta imot sølv og gull og lag kroner! Kron så Josva Jehosadaksson, øvstepresten,

12og sei til han:

Så seier Herren, Allhærs Gud:

Sjå, det kjem ein mann,

hans namn er Renning,

under han skal det renna og gro.

Han skal byggja Herrens tempel,

13ja, han skal byggja Herrens tempel.

Han skal vinna ære og makt.

På sin kongsstol skal han sitja og styra;

ved hans kongsstol skal det vera ein prest,

og mellom dei skal det rå fred.

14Kronene skal vera i Herrens tempel til minne om Helem, Tobia, Jedaja og Hen, son til Sefanja.

15Folk skal koma frå land langt borte

og vera med og byggja Herrens tempel.

Då skal de sanna

at Herren, Allhærs Gud, har sendt meg til dykk.

Dette skal henda dersom de lyder

ordet frå Herren dykkar Gud.