Revelesen Sotfala stori blong buk ya - Bislama Bible Revised 2012

Sotfala stori blong buk yaBuk ya, OL SAMTING WE JISAS KRAES I SOEMAOT LONG JON, we sotfala nem blong hem REVELESEN, Jon i raetem. Hem i tokbaot ol vison we Jisas i soemaot long hem. Hem i raetem long taem ya we ol man Rom oli mekem i strong tumas long ol Kristin man, mo oli stap kilim olgeta i ded, from we oli bilif long Jisas Kraes*. Jon i raetem buk ya blong leftemap tingting blong olgeta ya, blong oli stanap strong long hadtaem ya.Long buk ya, i gat ol vison we Jisas i soemaot long Jon, mo hem i yusum ol pija we ol Kristin man long taem ya oli save haremsave mining blong hem. Be ol narafala man oli no save kasem mining blong hem. Stamba tingting blong olgeta pija long buk ya i olsem. Jisas Kraes, hem i Hae God, mo i Masta* blong yumi, mo long han blong hem, God bambae i flatemgud Setan* wetem ol narafala enemi blong hem. Taem hem i finisim wok ya, bambae hem i givim pei long ol man blong hem we oli stanap strong long bilif blong olgeta. Bambae hem i tekem olgeta oli go stap wetem hem long niufala heven mo long niufala wol we hem i mekemrere i stap.Ol haf blong buk yaFastok 1.1-8

Fas vison mo ol leta we i go long ol seven jos 1.9—3.11

Buk we i tabu blong man i openemwe i gat seven mak long hem 4.1—8.1

Ol seven pupu 8.1—11.19

Algita mo tufala anamol we tufala i nogud 12.1—13.18

Ol narafala vison we Jon i luk 14.4—15.8

Seven besin we oli fulap long kros blong God 16.1-21

God i spolem taon ya Babilon,mo i winim anamol ya we i nogud, mo giaman profet, mo Setan 17.1—20.10

God i jajem ol man long Lasdei 20.11-15

Niufala heven wetem niufala wol,mo niufala Jerusalem 21.1—22.5

Lastok 22.6-21