1Mo taem Samuel i toktok, olgeta laen blong Isrel oli stap harem tok blong hem.
Ol man Filistia oli tekemaot Bokis ya we i Saen blong Promes blong Hae GodLong taem ya, ol man Filistia oli kam wanples blong mekem faet long ol laen* blong Isrel,* mo ol laen blong Isrel oli kamaot blong fesem olgeta. Ol laen blong Isrel oli putumap ol haos tapolen blong olgeta long Ebenesa mo ol man Filistia oli stap long Afek.
2Nao ol man Filistia oli kamaot, oli kam mekem faet long ol laen blong Isrel, mo oli faet strong tumas, gogo ol man Filistia oli winim olgeta, mo oli kilim samwe long fo taosen man oli ded long ples ya.
3Taem ol laen blong Isrel ya we oli no ded oli kambak long ol haos tapolen blong olgeta, ol lida blong olgeta oli talem se, “?Olsem wanem ya? ?Hae God i letem ol man ya oli winim yumi tede from wanem? Yumi mas go long Silo, yumi karem Bokis ya we i Saen blong Promes* blong hem i kam, blong hem i stap wetem yumi, i tekemaot yumi long han blong ol enemi ya blong yumi, i sevem yumi.”
4 ?Oli stap singsingaot from wanem?” Mo taem oli harem we Bokis ya i kamtru finis long ples ya we ol laen blong Isrel oli stap long hem,
7oli fraet we i fraet. Oli talem se, “!Wan god i kamtru finis long ples blong olgeta! !Yumi lus nao! !Neva wan samting olsem i kasem yumi bifo!
8!Ol god ya blong olgeta oli gat paoa ya! ?Hu bambae i save tekemaot yumi long han blong olgeta, i sevem yumi? Hemia ol god ya, we bifo, oli sanem ol bigbigfala trabol i kam kilim ol man Ijip, oli ded long draeples.
9!Be yumi no mas fraet! !Yumi no woman ya! !Yumi mas stanap strong! Sipos no, bambae oli spolem yumi! Bambae oli mekem yumi kam slef* blong olgeta, olsem we bifo, yumi mekem olgeta oli kam slef blong yumi. !Yumi man ya! !Naoia yumi mas faet!”
10Ale, oli go mekem faet bakegen, nao oli strong tumas, oli winim ol laen blong Isrel, oli ronem olgeta, oli kilim toti taosen soldia blong olgeta oli ded, mo ol narafala oli ronwe wanwan blong gohom.
11Long faet ya, Hofni mo Finehas, tufala pikinini blong Ilae, tufala i ded, mo Bokis ya we i Saen blong Promes blong Hae God, ol man Filistia oli karem i go long ples blong olgeta.
Pris ya Ilae i ded12Nao i gat wan man blong distrik ya Benjamin* we i ronwe long ples blong faet ya, i kam long Silo, i kasem long sem dei ya nomo. Hem i terem* ol klos blong hem, mo i putum graon long hed blong hem blong soemaot we hem i sore tumas.
13Pris ya Ilae i stap sidaon long stul blong hem long saed blong doa* blong bigfala stonwol blong taon ya, i stap lukluk i go long rod, from we hem i stap wari tumas long Bokis ya we i Saen blong Promes* blong Hae God. Nao man ya we i ronwe i kam, hem i talemaot nius blong faet ya long olgeta man long taon ya, nao olgeta evriwan oli stap singaot bigwan, from we oli fraet tumas.
14Mo taem pris* ya i harem ol noes ya, hem i askem se, “?Wanem samting ya?” Nao man ya i ron i kam, i talemaot nius ya long hem.
15Long taem ya, pris ya i gat naenti eit yia blong hem, mo i blaen olgeta.
16Nao man ya i talem se, “Mi mi ronwe long ples blong faet tede, mi jes kasem ples ya naoia.”
Nao pris i askem long hem se, “!Pikinini blong mi! ?Olsem wanem?”
17Man ya i talem se, “Mifala evriwan i ronronwe long ol man Filistia. !Naoia yumi lus olgeta! Mo antap long samting ya, tufala pikinini ya blong yu, tufala i ded, mo Bokis ya we i Saen blong Promes blong Hae God, ol man Filistia oli karem finis.”
18Nao taem pris ya i harem nius blong Bokis ya, hem i foldaon long stul ya we i stap sidaon long hem long saed blong doa ya. Nao baksaed blong hem i bang long graon, mo from we hem i olfala tumas mo i fatfat tu, nek blong hem i brok, nao i ded.
Pris ya Ilae, hem i lida blong ol laen* blong Isrel* foti yia.
Woman blong pris ya Finehas i ded19Long taem ya, woman blong pris* ya Finehas, hem i gat bel mo manis blong hem i finis finis. Nao taem hem i harem we ol man Filistia oli karem Bokis ya we i Saen blong Promes* blong Hae God, mo we papa blong man blong hem mo man blong hem, tufala tu i ded, hem i harem bak blong hem i soa.
20Mo taem hem i bonem pikinini, hem i harem se bambae i ded, nao ol woman ya we oli stap lukaot long hem oli talem long hem se, “!Yu no fraet! !Yu gat wan boe!” Be hem i no lesin long olgeta, mo i no toktok long olgeta.
21Hem i putum nem blong boe ya se Ikabod, we i min se “Paoa blong God i gowe long yumi finis”. Hem i putum nem ya from we ol man Filistia oli tekemaot Bokis ya, oli karem i go, mo from we papa blong man blong hem, mo man blong hem, tufala i ded.
22Hem i talem se, “Paoa blong God i gowe long yumi finis, from we ol man Filistia ya oli karemaot Bokis ya we i Saen blong Promes blong hem.” Nao biaen, hem i ded.
Who We AreWhat We EelieveWhat We Do
2025 by iamachristian.org,Inc All rights reserved.
