Sam 35 - Bislama Bible Revised 2012

Prea we man i mekem blong Hae God i givhan long hem(Sing ya, Deved i wokem.)(Tok i go long Hae God.)

1Hae God.

Plis yu agensem olgeta

we oli agensem mi,

yu faet long olgeta

we oli stap faet long mi.

2Yu tekem ol samting blong faet blong yu,

yu kam, yu halpem mi.

3Yu leftemap spia mo akis blong yu,

yu fesem olgeta we oli stap ronem mi.

Mo yu talemgud long mi

we yu bambae yu sevem mi.

4Plis yu mekem olgeta ya

we oli traem blong kilim mi

oli lus mo oli sem.

Olgeta ya we oli stap mekem plan blong spolem mi,

plis yu mekem olgeta oli lusum hed,

oli tanemraon, oli gobak.

5Yu sanem enjel blong yu i ronem olgeta,

yu mekem olgeta i kam olsem doti blong wit,*

we taem win i blu,

i karem i go olbaot.

6Taem enjel blong yu i stap ronemaot olgeta,

plis yu mekem rod blong olgeta

i kam tudak, mo i glis.

(Tok i go long ol man.)

7Mi mi no mekem wan samting long olgeta,

be oli girap,

oli putum trap blong kasem mi,

oli digim hol,

blong mi mi foldaon long hem.

8Be olgeta bambae oli kasem trabol

long taem we oli no tingbaot.

Trap ya we oli putum

bambae i kasem olgeta bakegen.

Hol ya we oli digim,

bambae oli foldaon long hem.

9Long taem ya,

bambae mi mi glad we mi glad long Hae God,

from we hem i sevem mi.

10Long olgeta tingting blong mi,

bambae mi talemaot long hem se,

“Hae God.

I no gat wan man we i olsem yu.

Yu yu stap blokemgud man we i no strong,

blong man we i strong

i no save kam mekem i nogud long hem.

Mo yu stap blokemgud puaman

blong man we i gat paoa

i no save kam spolem hem.”

11Ol man nogud oli tok agens long mi,

mo oli talemaot se mi mi mekem ol trabol,

be mi mi no save ol samting ya nating.

12Mi mi stap mekem i gud nomo long olgeta,

be olgeta oli mekem i nogud long mi,

nao tingting blong mi klosap i foldaon olgeta.

13Be taem olgeta ya oli sik,

mi mi putum ol rabis klos

mo mi livim kakae blong mi,

mi no kakae,

blong soemaot we mi mi sore long olgeta.

Mi bodaon,

we hed blong mi i godaon olgeta,

14nao mi stap prea from olgeta

olsem we mi stap prea

from wan fren blong mi,

no wan brata blong mi.

Mi stap wokbaot

we hed blong mi i hang daon,

from we mi sore tumas,

olsem we man i sore

taem we mama blong hem i lus.

15Be taem mi mi stap long trabol,

olgeta oli glad,

oli kam hivap raon long mi,

oli stap laf long mi.

Ol man we mi mi no save olgeta

oli stap faetem mi,

oli gohed blong kilim mi

we oli no spel.

16Ol rabis man ya oli spolem mi,

oli laf nogud long mi,

oli stap kakae tut blong olgeta

i kam long mi.

(Tok i go long Hae God.)

17?Hae God.

Bambae yu stap lukluk mi olsem

gogo kasem wetaem?

Olgeta ya we oli stap faet long mi,

oli olsem laeon we i wantem kakae mi.

Plis yu tekemaot mi long han blong olgeta

yu sevem mi.

18Nao bambae mi talem tangkiu long yu

long fes blong olgeta man blong yu,

bambae mi presem yu

long fes blong olgeta evriwan.

19 blong mi,

mo yu luk samting ya finis.

Plis yu no stap sidaon kwaet,

yu no go longwe long mi.

23Masta* blong mi,

plis yu girap, yu kam blokemgud mi.

Yu yu God blong mi,

yu girap, yu tok long saed blong mi.

24Hae God,

yu yu God blong mi,

mo fasin blong yu i stret.

I gud yu talemaot

we mi mi no mekem samting nogud,

yu no letem ol enemi blong mi

oli stap glad

from we mi mi stap long trabol.

25Plis yu no letem olgeta oli talem se,

“!Saye, yumi winim hem finis!

!Samting ya nao yumi wantem!”

26Olgeta we oli stap hapi

from we mi mi harem nogud,

i gud yu mekem olgeta oli sem,

oli lusum hed olgeta.

Mi mi wantem

se olgeta we oli stap talem

se oli gud moa i winim mi,

bambae oli sem we oli sem gud,

we ol man oli stap tokbaot olgeta from.

27Olgeta ya

we oli wantem tumas

blong yu yu talemaot

se mi mi stret man,

i gud olgeta ya oli glad,

oli stap singsingaot bigwan,

i gud oli stap taltalem oltaem se,

“!Hae God, hem i hae we i hae!

Hem i glad tumas

taem man blong wok blong hem i win.”

28Nao bambae mi mi talemaot stret fasin blong yu,

mo bambae mi stap presem yu evri dei nomo,

i stat long moning,

gogo kasem tudak.