Sefanaea Sotfala stori blong buk ya - Bislama Bible Revised 2012

Sotfala stori blong buk yaProfet Sefanaea i stap talemaot ol tok long buk ya, long taem ya we i gat samwe long sikis handred twanti faef yia* i stap yet blong kam kasem yia we Kraes* i bon long hem. Nao biaen i no longtaem, King Josaea i stretem ol fasin blong wosip blong olgeta, long yia sikis handred twanti wan.Long buk ya, profet i talemaot we Hae God i makem wan dei we bambae hem i spolem olgeta ples long hem, mo bambae i panisim ol man Juda,* from we oli stap mekem wosip long ol narafala god. Bambae hem i givim panis tu, long ol man blong ol narafala kantri we oli stap raonabaot long olgeta. Mo bambae hem i spolem taon ya Jerusalem,* be biaen, bambae hem i save mekem i kam gud bakegen. Mo ol man we oli stap long ples ya, fasin blong olgeta bambae i stret, mo tingting blong olgeta bambae i stap daon.Ol haf blong buk yaDei we Hae God bambae i jajem olgeta man long hem 1.1—2.3

Ol narafala kantri we oli stap raonabaot long Judabambae oli kasem panis 2.4-15

Hae God bambae i sevem ol man,i mekem Jerusalem i kam gud bakegen 3.1-20