2 Kronikel 3 - Bislama Bible Revised 2012

1 Mo insaed long rum ya, hem i blokem ol wol blong hem long gol we i klin gud.

5Bigfala rum blong haos ya, hem i blokem ol wol blong hem long timba we oli wokem long paentri,* mo i blokem ol timba ya bakegen long gol we i beswan. Mo long ol wol ya, hem i wokem ol pija blong pamtri* mo ol pija blong jen.

6Hem i flasem haos ya long ol flas ston we i beswan, mo long gol we i kam long ples ya Pavaem.

7Hem i yusum gol ya blong blokem ol wol blong haos ya, wetem ol rafta blong hem, mo ol doa blong hem, mo timba ya we i stap aninit long doa. Mo i katem ol pija blong jerubim* long wol blong haos ya.

8Eks 26.33,34Rum we i insaed olgeta, we nem blong hem “Rum we i Tabu we i Tabu”, longfala blong hem i kasem naen meta, mo bigfala blong hem tu i kasem naen meta, we hemia i bigfala blong haos ya. Gol we hem i yusum blong blokem ol wol blong Rum ya, hevi blong hem i moa long twanti tan,

9mo gol we i yusum blong mekem nil long hem i moa long haf kilo. Mo hem i blokem ol wol blong ol rum antap tu long gol.

10 Eks 25.18-20 Mo king i mekem tu pija blong jerubim, mo i blokem tufala long gol, mo i putum tufala long Rum ya we i Tabu we i Tabu,

11-13we wan i stanap narasaed, wan i stanap narasaed, mo tufala i lukluk i go long doa. Tufala jerubim ya, tufala i gat wing, we longfala blong wansaed wing blong tufala i bitim tu meta, nao taem hem i putum tufala i stanap long rum ya, wing blong tufala i open, we en blong wing blong wan i kasem en blong wing blong narawan long medel blong rum, mo en blong narasaed wing blong tufala i kasem tufala saed blong rum ya. Longfala blong wing blong tufala, i stat long en blong wing blong wan i go kasem en blong wing blong narawan i kasem naen meta.

14Eks 26.31Mo kaliko we hem i hangem blong blokem rum ya, hem i wokem long gudfala kaliko ya linen* wetem kaliko we i blu, mo kaliko we i red, mo kaliko we i pepol, mo i somap ol pija blong jerubim long hem.

Tu bigfala pos we oli wokem long bras(1 King 7.15-22)

15Mo king i mekem tu bigfala pos, we longfala blong tufala i sem mak, i kasem fiftin meta haf, mo i putum tufala i stanap long fran blong doa blong haos ya. Tufala pos ya i gat spesel hed blong tufala, we hem i mekem long bras blong flasem tufala, we hae blong tufala hed ya i bitim tu meta bakegen.

16Mo long bras blong tufala hed ya wanwan, hem i mekem pija blong tu jen we i tantanem tufala, mo i gat tu handred pija blong frut blong grenadin* we oli stap hanghang olbaot long tufala jen ya, we handred long wan, handred long wan.

17Hem i stanemap tufala pos ya long doa blong haos ya, we wan i stap long saed i go long saot, mo wan i stap long saed i go long not. Hemia we i stap long saed i go long saot, hem i putum nem blong hem se Jakin, we i min se “Hae God i stanemap”, mo hemia we i stap long saed i go long not, i putum nem blong hem se Boas, we i min se “Long paoa blong Hae God”.