2 Kronikel Sotfala btore blong buk ya - Bislama Bible Revised 2012

Sotfala btore blong buk yaLong SEKEN BUK BLONG OL STORI BLONG OL LAEN BLONG ISREL, we sotfala nem blong hem SEKEN KRONIKEL, i gat ol stori blong ol king blong Isrel, wetem ol stori blong ol king blong Juda* i stap long hem. Ol stori ya i talemaot ol samting we i hapen long ol laen* blong Isrel,* i stat long taem we FAS BUK BLONG OL STORI BLONG OL LAEN BLONG ISREL i finis, i kam kasem taem we King Sirus i sanem ol man Juda oli aot long Babilon, oli kambak long Jerusalem* blong wokem haos* blong Hae God long Jerusalem i gud bakegen.Long stat blong buk ya, i gat ol stori blong King Solomon, wetem wok we hem i mekem blong stanemap haos blong Hae God. Biaen i gat ol stori blong fasin we kantri ya Isrel i seraot long tu haf, we i gat kantri ya Isrel long not mo kantri ya Juda long saot. Mo biaen, i gat ol stori blong tufala kantri ya, kam kasem taem we king blong Asiria i kam mekem faet long ol man Isrel, i winim olgeta, mo i tekem olgeta oli go wok slef* long kantri blong hem. Mo biaen bakegen, i gat ol stori blong ol man Juda, kam kasem taem we King Nebukadnesa blong Babilonia i kam mekem faet long olgeta, i winim olgeta, mo i tekem olgeta oli go wok slef long kantri blong hem.Ol stori we i stap long buk yaOl stori blong King Solomon 1.1—9.31

Ol samting we hem i mekem fastaem 1.1-17

Ol wok blong stanemap haos blong Hae God 2.1—7.10

Ol samting we hem i mekem biaen 7.11—9.31

Ol laen blong Isrel long notoli girap, oli agens long King Rehoboam 10.1-19

Ol stori blong ol king blong Juda11.1—36.12

Ol man Babilonia oli kam spolem Jerusalem 36.13-23