1Nao biaen long taem ya we Moses, man blong wok blong Hae God i ded, Hae God i givim tok blong hem long wan man we bifo i stap givhan long Moses. Man ya, nem blong hem Josua, mo papa blong hem Nun.
2Hae God i talem long hem se, “Josua, yufala ya, yufala evriwan i laen* blong Isrel,* mo yufala i man blong mi. Man blong wok blong mi i lus, be naoia, yu wetem olgeta ya, yufala i mas mekemrere blong gokros long Jodan Reva, blong go long kantri ya we mi mi wantem givim long yufala.
3Dut 11.24,25Olgeta graon ya we bambae yufala i purumbut long hem, mi mi makemaot finis se i blong yufala, olsem we mi talem long Moses bifo.
4Kantri blong yufala bambae i stat long draeples ya long saot, i go kasem ol hil ya long Lebanon long not. Mo i stat long bigfala reva ya Yufretes long is, i pas long distrik blong ol laen blong Het, i go kasem Mediterenian Si long wes.
5Dut 31.6,8; Hib 13.5Mi mi talem long yu, oltaem long laef blong yu, bambae i no gat man i save winim yu. Mi bambae mi stap lukaot long yu, olsem we mi stap lukaot long Moses bifo. Mo bambae mi stap wetem yu oltaem, we neva bambae mi lego yu samtaem.
6 Dut 31.6,7,23 “Tingting blong yu i mas strong, mo yu no mas fraet, yu mas stanap strong oltaem, from we yu nao bambae yu lidim ol man ya blong oli go insaed long graon ya we mi mi promes* finis long ol bubu blong yufala bifo blong givim long olgeta.
7Tingting blong yu i mas strong, mo yu no mas fraet, yu mas stanap strong oltaem. Yu mas holemgud Loa ya we man ya blong mi i givim long yu, mo yu mas obei long olgeta. Sipos yu holemgud Loa ya, we yu no lego wan haf blong hem, bambae yu save win long olgeta ples we bambae yu go long hem.
8Oltaem, ol tok we yu yu stap tijim ol man long hem oli mas kamaot long buk* blong Loa ya. Mo yu mas tingting gud long ol tok blong hem long dei mo long naet, blong yu save mekem olgeta samting we hem i talem. Sipos yu mekem olsem, bambae ol wok blong yu i gat frut blong hem, mo bambae yu save win.
9Mi mi talem long yu finis. Tingting blong yu i mas strong, mo yu mas stanap strong oltaem. Yu yu no mas fraet, mo tingting blong yu i no mas foldaon, from we mi bambae mi stap wetem yu long weples bambae yu yu go long hem. Hemia tok blong mi, we mi mi Hae God, mi God blong yu.”
Josua i sanem tok i go long ol man blong oli mekemrere10Nao Josua i talem long ol lida blong olgeta se,
11“Olgeta. Yufala i go pasraon long olgeta man ya, yufala i talem long olgeta se, ‘Hae God i God blong yumi, mo long namba tri dei, bambae yumi gokros long Jodan Reva, blong go tekem graon ya we hem i promes* finis blong givim long yumi. Yufala i mas mekemrere kakae blong yufala, blong wokbaot.’ ”
12 Nam 32.28-32; Dut 3.18-20; Jos 22.1-6 Nao Josua i singaot ol laen* blong Ruben* wetem ol laen blong Gad,* mo haf ya blong ol laen blong Manase* we olgeta oli gat graon long saed blong Jodan Reva long is. Nao hem i talem long olgeta se,
13“!Olgeta! Moses i man blong wok blong Hae God, mo yufala i no mas fogetem tok we hem i talem long yufala.
Hem i talem se, ‘Hae God i God blong yumi, mo bambae hem i givim graon ya long yufala long saed blong Jodan Reva long is. Ples ya bambae i kam ples blong yufala blong yufala i stap long hem.’ Hemia graon ya we yumi stap long hem naoia.
14Ol woman blong yufala wetem ol pikinini blong yufala mo ol anamol blong yufala bambae oli save stap long ples ya. Be yumi ya, yumi brata ya, mo ol soldia blong yufala oli mas karem ol samting blong faet blong olgeta, nao bambae oli mas lidim mifala blong givhan long mifala,
15gogo kasem taem we yumi winim olgeta graon ya long saed blong Jodan Reva long wes. Hemia graon ya we Hae God i promes blong givim long mifala. Mo taem hem i givim gudfala ples ya long mifala, nao mifala i stap gud long hem, ale bambae yufala i save kambak long ples ya bakegen. Nao bambae yufala i save stap long saed ya blong Jodan Reva long is, long graon ya blong yufala we Moses i givim finis long yufala.”
16Nao olgeta oli talem long hem se, “Olgeta samting ya we yu yu talem long mifala, bambae mifala i mekem, mo long olgeta ples we yu yu wantem sanem mifala i go long hem, bambae mifala i go.
17Bambae mifala i obei long olgeta tok we yu yu talem, stret olsem we mifala i stap obei long Moses bifo. Hae God i God blong yumi, mo prea blong mifala, we hem bambae i stap wetem yu oltaem, olsem we hem i stap wetem Moses bifo.
18Sipos wan man i agensem tok blong yu, no i no save obei long wanem tok we yu yu putum, bambae hem i mas ded. Be tingting blong yu i mas strong, mo yu no mas fraet, yu mas stanap strong oltaem.”
Who We AreWhat We EelieveWhat We Do
2025 by iamachristian.org,Inc All rights reserved.
