Sam 109 - Bislama Bible Revised 2012

Prea blong man we i stap long trabol(Sing ya, Deved i wokem.)(Tok i go long God.)

1God.

!Oltaem mi mi stap presem yu!

!Plis yu no stap kwaet!

2Ol man nogud mo ol man blong giaman

oli girap oli tok agens long mi.

Oli stap mekem ol giaman toktok

blong spolem mi,

3mo oli stap talem ol rabis tok

blong spolem nem blong mi.

Olgeta oli stap spolem mi,

be blong nating nomo.

4Nating we mi mi lavem olgeta

mo mi stap prea from olgeta,

be olgeta oli stap agens long mi tumas.

5Mi mi stap mekem i gud long olgeta,

be olgeta oli stap mekem i nogud long mi.

Mi mi lavem olgeta tumas,

be olgeta oli no lavem mi nating,

oli agens long mi.

6Plis yu jusumaot wan rabis jaj

blong i jajem enemi ya blong mi,

yu letem wan enemi blong hem nomo

i jajem hem.

7!I gud jaj ya i traem hem,

i faenemaot we hem i mekem ol samting nogud!

!Mo i gud i jajem prea blong hem tu,

se i no stret!

8 Wok 1.20 !I gud laef blong hem i finis kwiktaem!

!I gud narafala man i kam,

i tekem ples blong hem,

i holem wok blong hem!

9!I gud ol pikinini blong hem

oli stap we oli no gat papa!

!Mo i gud woman blong hem tu

i stap we i wido nomo!

10!I gud ol haos blong ol pikinini ya blong hem

oli kam nogud olgeta,

nao ol man oli ronemaot olgeta!

!I gud ol pikinini ya blong hem

oli no moa gat ples blong olgeta,

nao oli stap asaskem kakae olbaot!

11!I gud ol man we hem i kaon long olgeta

oli kam holem olting blong hem!

!Mo i gud ol strenja oli kam karemaot

evri samting we hem i bin wok from!

12!I gud ol man oli no kaen long hem!

!Mo sipos hem i ded,

i gud ol man oli no givhan

long ol pikinini blong hem!

13!I gud hem wetem olgeta

we bambae oli kamaot biaen long hem

oli lus evriwan!

!I gud ol man we oli stap biaen long hem

oli no moa save tingbaot nem blong hem bakegen!

14-15Hae God.

!Plis yu no fogetem ol fasin nogud

blong ol bubu blong hem!

!Plis yu no tekemaot ol sin blong mama blong hem samtaem!

!Plis yu stap tingbaot ol sin blong olgeta oltaem,

gogo i no save finis!

!Be olgeta,

yu mekem we ol man oli fogetemgud olgeta!

16Man ya,

neva hem i tingbaot samtaem

blong i kaen long man.

Oltaem hem i stap ronem ol puaman,

mo ol man we oli sot long ol samting,

mo ol man we oli no gat paoa,

i stap kilim olgeta oli ded.

17Hem i laekem tumas

blong singaot trabol i kam long man.

!Plis yu letem ol trabol ya

oli kam kasem hem bakegen!

Hem i no laekem nating blong blesem ol man.

!Plis yu no letem man i blesem hem!

18Fasin ya blong singaot trabol i kam long man,

hem i kam olsem klos blong hem finis.

!Plis yu letem ol trabol ya

oli kam kakae hem bakegen

we oli spolemgud hem!

19Plis yu letem ol trabol ya

oli stap oltaem long hem,

olsem klos blong hem wetem strap blong hem

we hem i stap putum evri dei.

20Hae God.

Hemia nao fasin ya we mi wantem

blong yu mekem long ol man ya.

Olgeta ya oli stap talem

ol rabis samting agens long mi.

!Plis yu panisim olgeta!

21!Hae God, yu yu Masta blong mi!

Plis yu givhan long mi olsem we yu yu promes.

Fasin blong yu blong lavem man i gud tumas,

plis yu sevem mi.

22Mi mi puaman, mi no gat samting,

mo tingting blong mi i kam nogud we i nogud.

23Mi mi olsem sado long sapa,

we klosap i lus.

Mi olsem nambembe,

we win i blu long hem,

i karem i go.

24Oltaem mi stap livim kakae blong mi

blong mekem prea long yu,

nao mi kam bunbun olgeta,

mo leg blong mi i no moa strong.

25 Mat 27.39; Mak 15.29 Taem ol man oli luk mi,

oli stap jikim mi,

oli stap saksakem hed blong olgeta,

oli stap laf long mi.

26Hae God, yu yu God blong mi.

Plis yu givhan long mi.

Oltaem yu yu lavem mi tumas,

plis yu sevem mi.

27Plis yu mekem

ol enemi blong mi oli save

we yu nao yu stap sevem mi.

28Olgeta ya oli save singaot trabol i kam long mi,

be yu bambae yu blesem mi.

Plis yu mekem

olgeta ya we oli stap ronem mi

oli sem.

Mi mi man blong wok blong yu,

plis yu mekem mi mi glad.

29Plis yu mekem

ol enemi ya blong mi oli sem bigwan

we ol man bambae oli stap tokbaot olgeta from,

mo we sem ya bambae i no save lus long olgeta samtaem.

(Tok i go long ol man.)

30Olgeta.

Bambae mi singaot bigwan,

mi talem tangkiu tumas long Hae God.

Bambae mi presem hem

long fes blong olgeta man,

31from we taem ol man

oli stap jajem ol puaman se oli mas ded,

be hem i stap lukaot gud long olgeta,

i stap sevem olgeta.