Sekaraea 12 - Bislama Bible Revised 2012

Hae God bambae i kilim ol enemi blong ol man Jerusalem

1Nao Profet Sekaraea i talem se, “Hae God i mekem skae mo wol ya, mo hem i givim laef blong hem long man. Hem i talem se,

2‘Mi bambae mi mekem taon ya Jerusalem* i olsem kap we waen i fulap long hem, nao ol narafala kantri we oli stap raonabaot long hem bambae oli dring long hem. Nao biaen, bambae oli stap wokbaot olsem man we i drong. Mo taem oli kam blong raonem Jerusalem blong faet agens long hem, bambae oli raonem ol narafala taon tu long Juda,* blong faet agens long olgeta.

3Be taem dei ya i kamtru, bambae mi mekem Jerusalem i kam olsem wan hevi ston we sipos wan kantri i wantem muvum, kantri ya bambae i harem nogud tumas from. Olgeta kantri long wol ya bambae oli save joen wanples blong kam faet agens long Jerusalem.

4Be long taem ya, mi bambae mi mekem ol hos blong olgeta oli fraet we oli lusum hed, mo ol man we oli ron long ol hos ya, bambae hed blong olgeta i krangke. Be mi bambae mi lukaot gud long ol man Juda, blong ol enemi oli no save spolem olgeta. Ol enemi ya blong olgeta, mi bambae mi mekem ol hos blong olgeta oli blaen.

5Nao taem ol laen* blong Juda oli luk samting ya, bambae oli save talem se, “Hae God i gat olgeta paoa, mo hem nomo i stap mekem ol man blong hem we oli stap long Jerusalem oli kam strong olsem.”

6“ ‘Long taem ya, bambae mi mekem ol laen ya blong Juda oli strong olsem faea we i kakae bigfala bus, no i olsem faea we i kakae ol wit* we kakae blong hem i rere finis. Mo bambae oli spolem olgeta kantri we oli stap raonabaot long olgeta. Be ol man Jerusalem bambae oli stap gud nomo insaed long taon ya blong olgeta.

7“ ‘Mi mi Hae God, mo bambae mi mekem ol soldia blong Juda oli win fastaem, nao biaen, bambae mi mekem ol laen blong Deved, mo ol man Jerusalem oli win. Bambae mi mekem olsem, blong bambae ol man Jerusalem oli no save talem se oli strong moa winim ol narafala man Juda.

8Long taem ya, mi bambae mi lukaot gud long olgeta we oli stap long Jerusalem. Nating we sam long olgeta oli no gat paoa nating, be bambae mi mekem olgeta oli kam strong olsem King Deved bifo. Olgeta we oli kamaot biaen long hem bambae oli lidim ol man, olsem we enjel blong mi i stap mekem, no olsem we mi mi stap mekem.

9Long taem ya ol man blong ol narafala kantri we oli wantem faet agens long Jerusalem, mi bambae mi kilim olgeta evriwan oli ded.’ ”

Ol laen blong Isrel bambae oli krae from man ya we oli sperem hem

10 , long levelples ya long Megido.

12-14Olgeta famle long kantri ya, olgeta wanwan bambae oli krae long ol haos blong olgeta. Ol laen blong King Deved, mo ol laen blong Natan, mo ol laen blong Livae,* mo ol laen blong Simei, mo olgeta narafala famle tu, bambae oli krae long ol haos blong olgeta. Ol man bambae oli krae long narafala ples, mo ol woman long narafala ples.”