Levitikas Sotfala stori blong buk ya - Bislama Bible Revised 2012

Sotfala stori blong buk yaLong Oltesteman, ol pris blong Hae God wetem ol man we oli mekem ol narafala samting long saed blong mekem wosip, oli laen* blong Livae* nomo, mo buk ya OL WOK BLONG OL LAEN BLONG LIVAE we sotfala nem blong hem LEVITIKAS, hem i talemaot ol wok we oli mas mekem. Long lanwis blong ol laen blong Isrel* bifo, oli talem nem blong buk ya se Hae God i singaot, we hemia i fas tok long buk ya long lanwis blong olgeta.Long buk ya, i gat ol loa blong mekem wosip, mo blong mekem ol man oli klin long fes blong Hae God, wetem ol loa blong mekem ol lafet* blong mekem wosip long hem. Mo i gat ol loa tu blong makemaot ol wok blong ol pris. Ol loa ya, Hae God i givim long ol laen blong Isrel blong oli stap folem.Bigfala tingting blong buk ya, hemia we i tokbaot se Hae God i tabu we i tabu, fasin blong hem i stret olgeta, mo laef blong hem i klin we i klin olgeta. Mo oltaem, ol man blong hem oli mas folem ol stret fasin blong mekem wosip long hem, mo laef blong olgeta tu i mas klin, mo i mas stret gud, blong oli save stap fren gud wetem hem.Wan tok blong buk ya we plante man oli savegud i stap long japta naentin vas eitin. Hemia tok ya we biaen Jisas* i talem se hem i nambatu loa we i hae moa long ol narafala loa. Loa ya i talem se, “Yufala i mas lavem ol man we oli stap raonabaot long yufala, yufala i mas mekem i gud long olgeta, olsem we yufala i stap mekem i gud long yufala nomo.”Ol haf blong buk yaOl loa we i tokbaot ol presen we ol manoli givim i go long Hae Godmo ol sakrefaes we oli mekem blong mekem wosip long hem 1.1—7.38

Moses i putumap Eron wetem ol pikinini blong hemoli kam pris blong Hae God 8.1—10.20

Ol loa we i tokbaot ol samting we i klinmo ol samting we i no klin long fes blong Hae God 11.1—15.33

Ol fasin blong Dei blong Stretem Sin 16.1-34

Ol loa blong makem fasin blong manmo fasin blong mekem wosipwe i mekem man i stret mo i klin long fes blong Hae God 17.1—27.34