1 2 Saml 6.12-16; 1 Kron 15.25-29 Nao King Solomon i singaot ol hed blong ol twelef laen* blong Isrel,* wetem ol hed blong ol famle blong olgeta, mo ol narafala lida blong olgeta, blong oli kam wanples wetem hem long Jerusalem.* Olgeta ya oli kam blong luk we ol pris bambae oli go long Saeon,* oli tekemaot Bokis ya we i Saen blong Promes* blong Hae God, oli karem i go antap, long haos* blong Hae God. Long taem ya, Saeon i narafala nem blong haf ya blong Jerusalem we nem blong hem “Taon* blong King Deved”.
2Lev 23.34Mo olgeta ya evriwan oli kam wanples long fes blong king, long taem blong Lafet* ya blong Wokem ol Wansaed Haos, long manis ya Etanim* we i namba seven manis long yia blong olgeta.
3Nao taem olgeta oli kam wanples finis, ol pris oli tekem Bokis ya,
4mo ol narafala pris wetem ol Livaet,* oli tekem Haos Tapolen ya we olgeta oli stap go long hem blong mit wetem Hae God, wetem ol narafala samting blong hem, nao oli karem ol samting ya evriwan i go long haos blong Hae God.
5Nao king wetem olgeta man ya oli kam wanples long fran blong Bokis ya, mo oli stap mekem sakrefaes we oli stap kilim ol sipsip mo ol buluk we oli plante we plante, man i no save kaontem.
6Nao ol pris ya oli karem Bokis ya i go insaed long haos blong Hae God, mo oli putum insaed long Rum ya we i Tabu we i Tabu, aninit long wing blong tufala pija ya blong jerubim.*
7Nao wing blong tufala jerubim ya i blokemgud bokis ya, wetem tu longfala stik blong hem we oli stap karem long hem.
8Tufala stik ya i longfala, nao sipos man i stanap long bigfala Rum ya we i Tabu, stret long doa blong Rum ya we i Tabu we i Tabu, hem i save luk en blong tufala, be sipos i stanap afsaed, hem i no save luk. Tufala stik ya i stap yet long ples ya, kam kasem tede.
9Dut 10.5Insaed long Bokis ya, i no gat narafala samting, tufala flat ston ya nomo i stap we Moses i bin putum bifo olgeta. Taem Moses olgeta oli aot long Ijip oli kam, Hae God i mekem wan promes wetem olgeta long hil ya Sinae, nao long taem ya, Moses i putum tufala ston ya long Bokis ya.
10-11 Eks 40.34,35 Nao ol pris oli aot long bigfala Rum ya we i Tabu, mo taem oli kam afsaed, wantaem nomo, klaod we i saen we i saen we i soemaot we Hae God i stap, hem i fulumap haos ya, nao oli no moa save mekem wok blong olgeta from samting ya.
12Sam 18.11; 97.2Nao king i prea, i talem se,
“Hae God.
Yu yu putum san i stap long skae,
be yu talem se yu bambae yu stap long klaod
we i tudak olgeta.
13Naoia mi mi wokem finis
wan nambawan haos blong yu.
Hem i wan haos blong yu
we bambae yu save stap long hem oltaem,
gogo i no save finis.”
Tok blong King Solomon(2 Kronikel 6.3-11)14Nao long taem ya, olgeta laen* blong Isrel* oli stap stanap long ples ya, mo king i tanemraon, i lukluk i go long olgeta, mo i prea long God blong i blesem olgeta.
15Be fastaem, hem i talem se, “!Olgeta! !Hae God i God blong yumi! !Yumi mas presem hem! Hem i holem promes* blong hem we i bin mekem long papa blong mi,
162 Saml 7.4-11; 1 Kron 17.3-10we i talem se, ‘King Deved, i stat long taem ya bifo we mi tekem ol man blong mi oli aot long Ijip, oli kam long kantri ya Isrel, kamkam kasem tede, be mi mi no jusumaot wan taon long kantri ya, blong yufala i wokem haos* blong mi long hem, blong yufala i stap mekem wosip long mi. Mo mi no jusumaot wan man tu, blong i lidim yufala. Be mi jusumaot yu, blong yu stap rul long ol man ya blong mi.’ ”
17 2 Saml 7.1-3; 1 Kron 17.1,2 Nao king i gohed, i talem se, “Hae God i God blong yumi, mo papa blong mi i wantem tumas blong wokem wan haos blong hem, blong yumi mekem wosip long hem.
18Be Hae God i talem long hem se, ‘I gud tumas we yu wantem wokem wan haos blong mekem wosip long mi,
192 Saml 7.12,13; 1 Kron 17.11,12be yu bambae yu no wokem haos ya. Wan stret pikinini blong yu we bambae yu yu bonem, hem bambae i wokem haos ya.’
20“Mo naoia, Hae God i mekem promes ya blong hem i kamtru. Mi mi tekem ples blong papa blong mi, mi kam king blong yufala, mo mi wokem haos ya blong hem, we yumi save kam long hem blong mekem wosip.
21Mo mi wokem wan rum insaed long haos ya, we Bokis ya we i Saen blong Promes* blong Hae God bambae i stap long hem. Mo insaed long Bokis ya, i gat tufala flat ston i stap, we ol tok blong promes blong Hae God i stap long tufala. Hemia promes ya we hem i mekem wetem ol olfala bubu blong yumi bifo, long taem ya we hem i tekemaot olgeta long Ijip oli kam.”
Prea blong King Solomon(2 Kronikel 6.12-42)22Nao King Solomon i go stanap long fran blong Olta blong Hae God, long fes blong olgeta man, mo i leftemap han blong hem i go long heven blong i prea.
23Nao hem i talem se, “Hae God. Yu yu God blong mifala ol laen* blong Isrel,* mo mifala i man blong yu. I no gat wan god long heven mo long wol ya, we i olsem yu. Fasin blong yu, taem ol man blong yu oli stap obei long yu long olgeta tingting blong olgeta, yu yu stap holem promes* blong yu we yu mekem wetem olgeta, mo yu stap soemaot long olgeta we yu yu lavem olgeta.
24Papa blong mi King Deved, hem i man blong wok blong yu, mo yu yu stap holem promes we yu bin mekem long hem bifo. Tede, yu mekem ol tok ya blong yu i kamtru.
25 1 King 2.4 “Hae God. Yu yu God blong mifala. Plis yu holem narafala promes ya we yu bin mekem long papa blong mi, we yu talem long hem, se sipos olgeta we bambae oli kamaot biaen long hem oli stap obei long ol loa blong yu olsem we hem i obei long yu, oltaem nomo, wan long olgeta bambae i king long Isrel.
26God blong mifala, papa blong mi i man blong wok blong yu. Plis yu mekem we evri samting ya we yu bin promes long hem bifo bambae oli kamtru.
27 2 Kron 2.6 “Be wol ya i smol tumas. ?Bambae yu save kam stap long hem olsem wanem? Heven i bigfala we i bigfala, be olgeta ples long hem i no naf long yu. Haos ya we mi mi wokem blong yu i smol we i smol, i no naf nating long yu.
28Hae God. Yu yu God blong mi. Mi mi man blong wok blong yu. Plis yu harem prea blong mi, mo yu givim long mi ol samting we bambae mi askem long yu naoia.
29Dut 12.11Mi wantem we oltaem, long dei mo long naet, bambae yu stap lukaot gud long haos ya. Hemia nao ples ya we yu yu bin talem se bambae mifala i kam long hem blong mekem wosip long yu. Sipos mi lukluk i kam long haos ya, mi prea, plis yu harem mi.
30Mo sipos mi no ol narafala man ya blong yu, mifala i lukluk i kam long ples ya, mifala i prea, plis yu harem prea blong mifala. Hae God, yu yu stap long hom blong yu long heven. Plis yu harem prea blong mifala, mo yu fogivim mifala, yu tekemaot ol sin blong mifala.
31“Hae God. Sipos ol man ya blong yu oli gat poen long wan man, se hem i mekem samting we i rong long narafala man, mo oli tekem hem i kam long Olta blong yu insaed long yad ya, mo hem i mekem strong tok long fes blong yu, se i no mekem,
32nating we yu yu stap long heven, be plis yu lesin long olgeta, mo yu skelem tok blong olgeta. Sipos man olsem i mekem i no stret, plis yu givimbak fasin ya long hem we hem i mekem. Be sipos i mekem i stret nomo, plis yu letem hem i go fri.
33“Hae God. Mifala i man blong yu. Be sipos ol enemi oli winim mifala from we mifala i mekem sin agens long yu, nao mifala i kambak long yu, mifala i kam long haos ya, we tingting blong mifala i stap daon, mo mifala i talemaot we yu yu God blong mifala, mo mifala i prea long yu blong yu fogivim mifala,
34nating we yu yu stap long heven, be plis yu harem prea blong mifala. Plis yu fogivim mifala, yu tekemaot ol sin blong mifala, mo yu tekem mifala i kambak long kantri ya we yu givim long ol bubu blong mifala bifo.
35“Hae God. Mifala i man blong yu. Sipos yu blokem ren blong i no kam long kantri ya, blong panisim mifala, from we mifala i mekem sin agens long yu, be mifala i tanem tingting blong mifala, nao mifala i kam long haos ya we tingting blong mifala i stap daon, mo mifala i talemaot we yu yu God blong mifala, mo mifala i prea long yu,
36nating we yu yu stap long heven, be plis yu harem prea blong mifala. Plis yu fogivim mifala evriwan, yu tekemaot ol sin blong mifala, yu tijim mifala long ol stret fasin, mo yu sanem ren i kam bakegen long kantri ya blong yu, we yu givim long mifala blong mifala i stap long hem oltaem long laef blong mifala.
37“Hae God. Sipos i gat hadtaem blong kasem kakae long ples ya, no i gat strong sik i spolem mifala, no hariken i spolem ol kakae long garen, no ol lokis* oli kam plante, oli spolem ol garen, no ol enemi oli kam mekem faet long mifala, no i gat ol defren kaen sik i kam long mifala,
38-39plis yu harem prea blong mifala. Hae God, yu nomo yu save tingting blong olgeta man evriwan. Mifala i man blong yu, mo sipos i gat sam long mifala we oli harem nogud long tingting blong olgeta, nao oli lukluk i kam long haos ya, mo oli leftemap han blong olgeta blong prea long yu, nating we yu yu stap long hom blong yu long heven, be plis yu harem prea blong olgeta. Plis yu fogivim olgeta, yu tekemaot ol sin blong olgeta, mo yu givhan long olgeta, from we yu yu save tingting blong olgeta. Yu yu save skelem ol fasin blong mifala wanwan, mo mi mi wantem we fasin we yu bambae yu mekem long mifala, bambae i stret gud long fasin blong mifala,
40blong bambae mifala i save stap long kantri ya we yu givim long ol bubu blong mifala bifo, mo mifala i save ona gud long yu oltaem long laef blong mifala.
41-42“Hae God. Sipos wan man blong narafala kantri i stap long ples blong hem we i longwe long ples ya, nao i harem nius blong yu, we yu gat olgeta paoa, mo we yu mekem ol bigbigfala samting ya blong givhan long mifala, nao hem i kam long haos ya, i prea,
43nating we yu yu stap long hom blong yu long heven, be plis yu harem prea blong hem. Sipos man olsem i kam long yu, plis yu mekem ol samting we hem bambae i askem long yu, blong bambae olgeta man long wol oli save yu, mo oli ona long yu, olsem we mifala i stap ona long yu. Nao long fasin ya, bambae oli save se haos ya we mi mi wokem, hem i stret ples blong mekem wosip long yu.
44“Hae God. Sipos yu talem long mifala, blong mifala i go mekem faet long ol enemi blong mifala, nao long weples we mifala i stap long hem, mifala i lukluk i kam long taon ya we yu yu jusumaot, wetem haos ya we mi wokem blong mekem wosip long yu, mo mifala i prea long yu,
45nating we yu yu stap long heven, be plis yu harem prea blong mifala, yu mekem mifala i win.
46“Hae God. Mifala i man blong yu, be yu save, i no gat wan man nating long wol ya we i no mekem sin. Nao sipos mifala i mekem sin agens long yu, mo yu yu kros long mifala, yu letem ol enemi blong mifala oli winim mifala, oli tekem mifala i go wok slef long kantri blong olgeta, klosap no longwe,
47be plis yu harem ol prea blong mifala. Sipos mifala i stap long narafala kantri ya, nao mifala i tanem tingting blong mifala, mifala i prea long yu, mifala i talemaot ol rabis fasin blong mifala mo ol sin blong mifala long yu, plis yu harem ol prea blong mifala.
48Sipos mifala i stap long narafala kantri ya, nao mifala i tanem tingting blong mifala tru from ol sin blong mifala, mifala i no giaman, nao mifala i lukluk i kam long kantri ya we yu yu givim finis long ol bubu blong mifala bifo, mo taon ya we yu yu jusumaot, mo haos ya we mi mi wokem blong mekem wosip long yu, nao mifala i prea long yu,
49nating we yu yu stap long hom blong yu long heven, be plis yu harem prea blong mifala, yu sore long mifala.
50Plis yu fogivim mifala, yu tekemaot ol sin blong mifala, wetem ol fasin nogud we mifala i stap mekem agens long yu, mo yu mekem ol enemi blong mifala oli kaen gud long mifala.
51Bifo, ol bubu blong mifala oli stap long Ijip, mo oli stap harem nogud tumas long ples ya, olsem we oli stap insaed long bigfala faea nomo, be yu yu tekemaot olgeta oli kam, mo from samting ya, mifala i man blong yu.
52“Hae God. Mifala i laen blong Isrel, mo yu yu Masta* blong mifala. Mi mi wantem we oltaem, bambae yu yu stap lukluk i kam long mifala, yu stap kaen gud long mi wetem ol man ya blong mi. Mo sipos mifala i singaot i kam long yu blong yu givhan long mifala, plis yu harem prea blong mifala.
53Yu yu bin jusumaot mifala long olgeta man long wol, blong mifala i kam man blong yu, olsem we yu bin talem long Moses, man blong wok blong yu bifo, blong hem i talemaot long ol bubu blong mifala, long taem ya we yu tekem olgeta oli aot long Ijip oli kam.”
King Solomon i blesem ol man54Taem we King Solomon i mekem prea ya long Hae God, hem i nildaon long fran blong Olta, i leftemap han blong hem. Nao taem hem i prea finis, hem i stanap,
55i tok bigwan, blong ol man we oli kam wanples long ples ya oli harem, nao i askem long Hae God blong i blesem olgeta.
56Dut 12.10; Jos 21.44,45Hem i talem se, “Yumi evriwan ya, yumi man blong Hae God. Yumi presem hem, from we hem i bin mekem we yumi gat pis, olsem we hem i bin promes* blong mekem. Olgeta gudgudfala promes ya blong hem we i bin givim long Moses, man blong wok blong hem bifo, blong i talemaot long ol bubu blong yumi, hem i holem olgeta, we hem i no mestem wan long olgeta nating.
57Hae God i God blong yumi, mo prea blong mi, we hem bambae i stap wetem yumi, olsem we i bin stap wetem ol bubu blong yumi bifo, we bambae hem i no livim yumi, i no lego yumi nating.
58Prea blong mi, we hem bambae i save mekem yumi obei long hem, blong bambae oltaem nomo yumi save stap long laef ya we hem i wantem blong yumi stap long hem, we yumi stap holem olgeta loa blong hem, wetem ol tok blong hem we i givim long ol bubu blong yumi bifo.
59Prea blong mi we oltaem nomo, long dei mo long naet, hem bambae i stap tingbaot ol samting ya we mi mi prea from, nao oltaem bambae hem i stap sore long yumi, i stap givhan long yumi evri dei nomo, stret long nid blong yumi.
60Nao bambae olgeta man long wol oli save we hem nomo i God, i no gat wan narafala.
61Mo prea blong mi we oltaem nomo, tingting blong yufala bambae i stap strong long hem, blong bambae yufala i obei long olgeta loa blong hem, wetem ol tok blong hem, olsem we yufala i stap mekem tede.”
King Solomon i openem haos blong Hae God(2 Kronikel 7.4-10)62Nao King Solomon wetem olgeta laen* blong Isrel* oli mekem sakrefaes blong mekem wosip long Hae God.
63Oli kilim twanti tu taosen buluk mo wan handred twanti taosen sipsip, blong mekem sakrefaes* ya we oli bonem haf, oli kakae haf blong soemaot we oli stap fren gud wetem hem. Long fasin ya nao, king wetem ol man ya blong hem oli mekem haos ya i tabu, i blong Hae God.
64Long sem dei ya, king i prea blong mekem haf blong bigfala yad ya we i stap stret long fes blong haos ya i tabu, i blong Hae God, from we Olta ya we oli wokem long bras, hem i smol tumas, i no naf blong bonem ol sakrefaes ya long hem. Nao long yad ya, oli bonem ol sakrefaes we i blong bonem olgeta i bon evriwan, wetem ol kakae blong garen* we oli bonem wetem ol sakrefaes ya, mo ol gris blong ol sakrefaes ya we oli bonem haf oli kakae haf blong soemaot we oli stap fren gud wetem Hae God.
65Long ples ya nao, long haos* blong Hae God, king wetem olgeta man ya oli mekem Lafet* ya blong Wokem ol Wansaed Haos, mo oli stap mekem lafet ya gogo kasem seven dei. Long taem ya, i gat plante man tumas oli kam we oli aot long olgeta ples, i stat long ples ya we rod i gotru long ol hil long Hamat, saed i go long not, i go kasem mak blong graon blong ol man Ijip, saed i go long saot.
66Nao long namba eit dei blong hem, king i sanem olgeta oli gohom. Olgeta evriwan oli luksave we Hae God i mekem i gud tumas long King Deved we i man blong wok blong hem bifo, mo long olgeta tu, nao oli stap prea long hem blong i blesem King Solomon, mo oli gohom we oli glad we oli glad tumas from ol samting ya we Hae God i mekem.
Who We AreWhat We EelieveWhat We Do
2025 by iamachristian.org,Inc All rights reserved.
