Aesea 41 - Bislama Bible Revised 2012

Hae God i leftemap tingting blong ol man blong hem

1Bakegen, profet i talemaot tok blong Hae God long ol man blong hem. Tok ya i blong ol man blong ol kantri we i stap longwe, mo profet i talemaot we Hae God i talem se,

“Olgeta.

!Yufala i stap kwaet fastaem,

yufala i lesin long mi!

Yufala i mas mekemrere

blong kam stanap long kot,

blong talemaot ol tok blong yufala.

I gud yumi sidaon wanples,

yumi toktok blong faenemaot

se hu long yumi i stap mekem i stret,

yufala no mi.

2“Mi mi wantem askem long yufala.

?Hae king ya we i aot long saed long is i kam,

we oltaem i stap win long faet,

hu i tekem hem i kam?

?Long evri ples we hem i stap pas long hem,

oltaem hem i stap win,

be hu i mekem hem i stap win olsem?

?Oltaem hem i stap flatemdaon ol narafala king

wetem ol soldia blong olgeta,

be hu i givim paoa long hem olsem?

Hem i stap kilim ol enemi blong hem,

long naef blong faet blong hem,

we i stap mekem olgeta oli kam asis nomo.

Hem i stap mekem

olgeta oli fraet long bonara blong hem,

oli ron wanwan,

olsem ol drae lif,

we win i blu long olgeta i go olbaot.

3Oltaem hem i stap biaen long olgeta,

i stap muv i go,

we i no gat wan samting i spolem hem,

mo oltaem hem i stap spid,

olsem we i flae nomo.

4?Be hu i mekem ol samting ya i kamtru?

?Hu i stap mekem plan blong ol samting

we bambae i hapen?

!Mi ya!

Mi mi Hae God,

we mi stap fastaem,

long taem we ol samting ya oli no stat yet,

mo long taem ya we ol samting ya bambae i finis,

be mi bambae mi stap yet.”

5Nao profet i gohed, i talemaot we Hae God i talem long hem se,

“Ol man ya oli luk ol samting ya

we mi mi mekem,

nao oli fraet we i fraet,

we oli stap seksek from.

From samting ya,

olgeta oli kam hivap wanples,

nao oli stap wokbaot

blong kam long ples ya.

6Ol man blong wokem aedol

oli stap givgivhan long olgeta,

mo oli stap leftemap

tingting blong olgeta bakegen.

7Nao kapenta i luk wok blong man

we i wok long gol,

mo i talem long hem se,

‘!Maewad, nambawan, a!’

Mo man we i stap kilkilim aedol long hama

blong mekem i smut gud,

hem i leftemap tingting blong man

we i stap joenem ol haf blong aedol ya wanples.

Hem i stap talem long hem se,

‘!Man, yu soldaremgud, a!’

Nao oli nilim aedol ya long ples blong hem

blong i no save foldaon.”

8 finis,

we i stap singaot mi long nem blong mi.

Hem i blong wan kantri saed i go long is,

be bambae i kamaot long not,

i kam mekem faet long ples ya.

Fasin blong hem,

hem i stap flatem ol king,

olsem we man i purumbut long sofmad,

i flatem isi nomo.

Hem i stap flatemdaon olgeta,

olsem we man blong wokem graonpot

i stap purumpurumbut long graon

blong mekem i sofsof,

blong wokem graonpot long hem.

26?Be hu long yufala i talemaot fastaem

we bambae mi mi mekem olsem,

blong mifala i save luksave

se tok blong hem i tru nomo?

!Nogat!

!I no gat wan long yufala nating,

we i talemaot wan tok long bisnes ya!

!I no gat wan man nating,

we i harem tok blong samting ya

we i kamaot long wan long yufala!

27Mi mi faswan blong talemaot nius ya

long ol man Saeon.*

Mi sanem wan man i karem tok blong mi

i kamtru long olgeta,

mo hem i talemaot se,

‘!Ol man blong yufala

oli stap kamhom!

!Naoia oli stap kamhom!’ ”

28Nao profet i gohed, i talemaot we Hae God i talem long hem se,

“Mi mi luklukraon long ol god ya,

mo i no gat wan long olgeta

we i save talem wan samting.

I no gat wan long olgeta

we i save givim ansa long ol kwestin

we mi mi askem long olgeta.

29Olgeta oli blong nating nomo,

oli no save mekem wan samting.

Olgeta oli aedol nomo,

oli no gat paoa.”