1Nao Profet Hosea i talem se, “Yumi ya, yumi ol man Isrel* ya, mo bifo, taem yumi tok, ol laen* blong yumi long saot oli fraet, from we oli luk yumi se yumi strong moa. Be yufala i mekem sin, from we yufala i go mekem wosip long god ya Bal,* mo from samting ya, bambae yufala i mas ded.
2Oltaem, taem yufala i stap wokem ol pija blong god ya long silva, blong mekem wosip long olgeta, yufala i stap mekem sin agens long Hae God. Ol pija ya, man nomo i wokem plan blong hem, mo man nomo i wokem long gudhan blong hem, nao yufala i stap talemaot se yufala i mas go mekem sakrefaes long olgeta. Ol god ya oli pija blong bul nomo. ?Bambae man i go kis long bul olsem wanem?
3Bambae yufala i mas lus kwiktaem, olsem smok blong hil long eli moning. Bambae yufala i lus olsem wota blong naet, we taem san i stap kam antap, i lus kwiktaem nomo. Bambae yufala i olsem doti blong wit,* we win i blu long hem, i karem i go. Bambae yufala i lus olsem smok blong faea we i flae i go.”
4Nao profet i talemaot we Hae God i talem se, “Mi mi Hae God, mi God blong yufala, we bifo, mi tekem ol bubu blong yufala oli aot long Ijip oli kam. Mi nomo mi God blong yufala, i no moa gat narafala god olsem mi. Mi nao mi sevem yufala.
5 !Mi mi no moa gat sore long olgeta nating!
15Ol man Isrel. Nating sipos yufala i gru bigwan olsem wael gras, be mi bambae mi sanem wan win i aot long draeples i kam, we i hot we i hot, nao bambae i mekem ol wota ya we yufala i stap dring oli drae evriwan. Ol gudgudfala samting blong yufala, mi bambae mi spolem olgeta evriwan.
16Ol man Sameria.* Bambae mi givim panis long yufala, from we oltaem yufala i stap girap agens long mi. Ol enemi blong yufala bambae oli kam kilim yufala evriwan i ded long taem blong faet. Bambae oli kam smasemgud ol pikinini blong yufala long graon, mo bambae oli holem ol woman blong yufala we oli gat bel, oli splitim bel blong olgeta blong kilim olgeta i ded.”
Who We AreWhat We EelieveWhat We Do
2025 by iamachristian.org,Inc All rights reserved.
