Sam 22 - Bislama Bible Revised 2012

Prea blong man we i harem nogud be i sing blong presem God(Sing ya, Deved i wokem.)(Tok i go long Hae God.)

1

17Man i save luk ol bun blong mi nomo,

nao ol enemi blong mi oli luk mi,

oli stap laf long mi.

18 Mat 27.35; Mak 15.24; Luk 23.34; Jon 19.24 Oli tekemaot ol klos blong mi

oli seraot long olgeta,

mo oli sakem daes blong luk se

hu bambae i tekem kot blong mi.

19Hae God.

Plis yu no stap longwe long mi,

yu kam kwik,

yu givhan long mi.

20Yu blokem olgeta

we oli wantem kam faet long mi

blong kilim mi mi ded.

Yu sevem laef blong mi,

yu tekemaot mi long paoa blong olgeta ya

we oli olsem dog.

21Yu sevem mi

blong ol laeon ya oli no kakae mi.

Mi mi no gat paoa nating

long fes blong ol wael bul ya.

22 Hib 2.12 Nao mi bambae mi talemaot long ol man blong mi

ol samting ya we yu bin mekem.

Bambae mi mi presem yu

long fes blong olgeta.

23Bambae mi talem se,

“Yufala ol laen blong Isrel,

yufala i man blong wok blong Hae God.

Yufala i mas presem hem,

yufala i mas ona long hem,

mo yufala i mas bodaon long hem.

24Hem i no save fogetem ol puaman,

mo i no save livim olgeta

oli stap harem nogud.

Hem i no save tanem baksaed long olgeta.

Taem oli krae long hem

blong i givhan long olgeta,

hem i stap ansa long olgeta.”

25Nao bambae mi mi presem yu

long fes blong olgeta man blong yu.

Long fes blong olgeta ya

we oli stap mekem wosip long yu,

bambae mi mekem ol sakrefaes ya

we mi bin promes blong mekem.

26Hae God,

ol puaman bambae oli kakae

olsem we oli wantem,

mo olgeta we oli stap lukaot yu

bambae oli presem yu.

Prea blong mi,

we olgeta ya bambae oli gat gudfala laef oltaem.

27Hae God.

Olgeta man blong evri kantri

bambae oli tingbaot yu bakegen.

Olgeta evriwan long evri ples long

wol bambae oli kambak long yu.

Olgeta man blong evri kala

bambae oli mekem wosip long yu,

28from we yu yu King,

mo yu stap rulum olgeta man.

29Olgeta praod man

bambae oli bodaon long yu.

Olgeta man blong wol ya oli save ded,

be bambae oli bodaon long fes blong yu.

30Ol man we oli no bon yet

bambae oli wok blong yu.

Ol man bambae oli talemaot yu

long olgeta we bambae oli kam biaen.

31Bambae oli talemaot ol stret fasin blong yu

long ol man we bambae oli bon biaen se,

“Hae God i sevem ol man blong hem.”