Sam 8 - Bislama Bible Revised 2012

Paoa blong God mo hae nem blong man(Sing ya, Deved i wokem.)(Tok i go long Hae God.)

1Hae God.

Yu yu Masta* blong mifala.

Olgeta man long evri ples long wol

oli save luk bigfala paoa blong yu.

Yu yu King,

mo hae nem blong yu

i finisim olgeta ples long heven.

2

Yu mekem hem i olsem king,

yu givim paoa long hem

mo yu leftemap nem blong hem.

6 1 Kor 15.27; Efes 1.22; Hib 2.8 Yu putumap hem

blong i rul long olgeta samting

we yu yu mekem,

yu mekem hem i bos

long olgeta samting ya.

7Ol sipsip mo ol buluk

mo ol wael anamol,

8mo ol pijin mo ol fis

mo olgeta samting insaed long solwota,

be hem i bos long olgeta evriwan.

9Hae God.

Yu yu Masta blong mifala.

Olgeta man long evri ples long wol

oli save luk bigfala paoa blong yu.