1 Nao ol man oli talem long hem blong i go luk king. Taem hem i kamtru, king i askem long hem se, “?Yu yu Jiba?”
Mo hem i talem se, “Yes king.”
3 2 Saml 4.4 Nao king i askem long hem se, “?Olsem wanem? ?I gat sam pikinini blong King Sol oli stap yet, we mi save mekem i gud long olgeta, olsem we mi promes finis long God se bambae mi mekem?”
Nao hem i talem se, “I gat wan pikinini blong Jonatan i stap yet, be leg blong hem i nogud, hem i no save wokbaot.”
4Nao king i askem se, “?Hem i stap wea?”
Mo hem i talem se, “Hem i stap long Lodebara, long haos blong Makiri, we papa blong hem Amiel.”
5Nao king i sanem tok i go long hem, blong i kam luk hem.
6Mefiboset ya, hem i pikinini blong Jonatan mo i smol bubu blong King Sol, mo taem hem i kamtru, hem i kam bodaon long fes blong king blong i ona long hem. Nao king i askem long hem se, “?Yu yu Mefiboset?”
Mo hem i talem se, “Yes king, mi ya nao.”
7Nao king i talem se, “Yu no fraet. Bambae mi mi mekem i gud long yu from we papa blong yu i wan gudfala fren blong mi. Olgeta graon ya blong bubu blong yu, bambae mi mi givim i gobak long yu, mo mi mi glad tumas blong yu yu kam kakae wetem mi oltaem long haos blong mi.”
8Nao hem i bodaon bakegen, i talem se, “!King, mi mi olsem dog nomo we i ded finis! !Mi mi nogud olgeta! ?Blong wanem yu wantem mekem i gud tumas long mi olsem?”
9Nao king i singaot Jiba i kam, i talem long hem se, “Olgeta samting we bifo i blong King Sol wetem ol pikinini blong hem, naoia mi mi givim i go long Mefiboset.
10Yu wetem ol pikinini blong yu mo ol man blong wok blong yu, bambae yufala i wokem garen blong hem, blong givhan long ol pikinini blong masta ya blong yu bifo. Bambae yufala i stap tekemaot ol kakae long garen, yufala i kam givim long olgeta. Be Mefiboset ya, oltaem hem bambae i kam kakae wetem mi long haos blong mi.”
11Nao hem i talem se, “King, bambae mi mekem olgeta samting ya we yu yu talem.”
Nao oltaem, Mefiboset i stap kakae wetem king, olsem we i wan stret pikinini blong hem nomo.
12Hem i gat wan smol pikinini boe blong hem we nem blong hem Mikaha, mo olgeta evriwan long famle blong Jiba oli kam ol man blong wok blong hem.
13Mo nating we tufala leg blong hem i nogud, be hem i kam stap long Jerusalem,* mo oltaem i stap kakae long haos blong king.
Who We AreWhat We EelieveWhat We Do
2025 by iamachristian.org,Inc All rights reserved.
