Rut Sotfala stori blong buk ya - Bislama Bible Revised 2012

Sotfala stori blong buk yaBuk ya, STORI BLONG RUT, we sotfala nem blong hem RUT, hem i kamaot bifo, long taem we i no gat king blong ol laen* blong Isrel,* ol haeman nomo oli stap lidim olgeta long ol faet we oli stap mekem agens long ol enemi blong olgeta, mo oli stap jajem ol trabol blong olgeta. Buk ya Jajes i tokbaot ol faet ya we olgeta ya oli mekem. Be buk ya Rut i no tokbaot faet, i tokbaot Rut, wan woman Moab we i mared long wan laen blong Isrel we i kam stap long Moab. Biaen, man ya i ded, be oltaem Rut i stap mekem i gud tumas long mama blong man blong hem, mo i bilif strong long Hae God ya blong ol laen blong Isrel, mo i ona gud long hem. Nao taem mama blong man blong hem i aot long Moab, blong gobak long kantri blong hem, hem i biaen long hem, i go stap wetem hem long kantri ya. Hem i stap gogo, nao i mared bakegen long wan long ol famle blong man blong hem, mo i bonem wan boe we oli putum nem blong hem se Obed. Mo King Deved we i nambawan king long ol king blong ol laen blong Isrel, hem i kamaot biaen long pikinini ya blong hem. Rut ya, hem i mama blong olfala bubu ya blong King Deved.Ol stori blong ol haeman long buk ya Jajes, oli soemaot ol trabol we ol man ya blong God oli stap kasem, from we oli stap tanem baksaed long hem. Be stori blong buk ya Rut i soemaot we God i blesem wan woman we i no wan laen blong Isrel. Hem i blesem woman ya olsem, from we hem i kam wan long olgeta we oli bilif strong long hem, oli ona gud long hem.Ol haf blong buk yaRut i biaen long Nomi, tufala i gobak long Betlehem 1.1-22

Rut i stori wetem Boas 2.1—3.18

Rut i mared long Boas 4.1-22