1 Samuel 2 - Bislama Bible Revised 2012

Hana i presem Hae God

1

3“Olgeta.

Yufala i stap leftemap yufala

long ol flas tok ya blong yufala,

be yufala i mas lego fasin ya,

yufala i mas stap kwaet.

Hae God ya, hem i wan God

we i save olgeta samting,

mo hem i stap jajem ol fasin

we ol man oli stap mekem.

4Ol bonara blong ol strong man

oli brobrok,

be ol man we oli no strong

oli stap kam strong.

5Olgeta

we fastaem oli stap kakae gud,

naoia oli go wok blong narafala man

blong kasem kakae blong olgeta.

Be olgeta

we fastaem oli stap hanggri,

naoia, oli no moa hanggri bakegen.

Woman we fastaem i no save karem

pikinini,

naoia, hem i karem seven pikinini,

be woman we i karem plante

pikinini,

naoia, hem i no moa gat wan i

stap.

6Hae God i save mekem man i ded,

mo i save mekem man we i ded

i laef bakegen.

Hem i save sanem man

i go long hom blong ol ded man,

mo i save tekem man i kambak,

i laef bakegen.

7Hem i save mekem rijman i kam pua,

mo i save mekem puaman i kam rij.

Hem i save mekem man we i praod

i godaon,

mo i save leftemap man we i

stap daon,

i go antap.

8Hem i save leftemap laef blong ol

puaman

we oli stap daon long asis nomo,

mo i save givim plante samting

long ol trabol man.

Hem i save mekem olgeta oli

kampani

wetem ol pikinini blong king,

mo i save leftemap olgeta

blong oli sidaon wetem ol

haeman.

Ol fandesen blong wol ya

oli stap long han blong hem nomo,

hem nao i stanemap wol ya

long ol fandesen ya.

9“Hem i stap lukaot gud long olgeta

we tingting blong olgeta i stap

strong long hem,

be ol man nogud oli gowe,

oli stap lus long tudak.

I no gat man i save win

long paoa blong hem nomo.

10Hae God bambae i jajem ol man

long olgeta ples long wol.

Hem bambae i spolem

ol enemi blong hem.

Bambae hem i stap long heven,

i mekem tanda i faerap i kam long

olgeta.

Mo bambae hem i givim paoa

long king ya we hem i jusumaot,

bambae i leftemap hem,

i mekem hem i stap win oltaem.”

11Nao Elkana wetem ol famle blong hem oli gohom bakegen long Rama, be smol boe ya Samuel i stap wok blong Hae God, aninit long pris* ya Ilae.

Ol rabis fasin blong tufala pikinini blong pris ya Ilae

12Tufala pikinini blong pris* ya Ilae, tufala i pris, be tufala i stap mekem ol fasin we i no stret. Tufala i no tinghevi nating long Hae God,

13-14mo tufala i no folemgud stret fasin blong kasem ol samting we i stret blong man i givim i go long pris. Oltaem, taem ol laen* blong Isrel* oli kam long Silo blong mekem sakrefaes, oli stap kukum haf mit blong sakrefaes we i blong olgeta, long wan bigfala sospen. Mo oltaem, tufala i stap sanem man blong wok blong tufala i go, i tekem wan bigfala fok, i pusum i go insaed long sospen ya. Nao taem hem i leftemap fok bakegen, ol mit we i stap hang long fok ya i blong tufala. Oltaem tufala ya i stap mekem fasin ya blong ravem olgeta we oli kam blong mekem sakrefaes.

15Mo bakegen, taem man we i wantem mekem sakrefaes i no tekemaot ol gris blong mit yet blong bonem, tufala i stap sanem man blong wok ya i go talem long hem se, “!Yu givim sam mit ya long pris, blong hem i rusum! !Hem i no save kakae hemia we yu kukum.”

16Mo sipos man we i wantem mekem sakrefaes i talem se, “!Yu wet fastaem! Bambae yumi mekem long stret fasin blong hem. Yumi bonem gris blong hem fastaem, nao biaen, bambae yu save tekem olsem we yu wantem,” be oltaem man ya i stap talem se, “!Ei! !Yu mas givim long mi naoia! !Sipos no, bambae mi nomo mi tekem!”

17Ol rabis fasin ya blong tufala, hem i wan sin we i nogud we i nogud long fes blong Hae God, from we tufala i no save tinghevi nating long ol sakrefaes we ol man oli stap mekem long hem.

Samuel i stap long Silo

18Be long taem ya, boe ya Samuel i stap wok blong Hae God. Hem i stap werem efod* we oli wokem long linen* we i spesel klos blong pris.*

19Evri yia, mama blong hem i stap somap niufala klos blong hem, mo taem papa mo mama blong hem tufala i go blong mekem sakrefaes, olsem we oli stap mekem evri yia, mama blong hem i stap karem klos ya, i go givim long hem.

20Mo oltaem, taem oli go, pris ya Ilae i stap blesem tufala, mo i stap talem long man ya se, “Prea blong mi we Hae God bambae i givim sam moa pikinini long yutufala bakegen, blong jenisim hemia we yutufala i givim i gobak long hem.”

Oltaem, taem oli kam, oli stap mekem olsem, nao oli gohom bakegen.

21Nao Hae God i blesem woman ya, mo hem i bonem tri boe bakegen mo tu gel. Be boe ya Samuel i stap gruap long haos blong Hae God, mo oltaem, i stap mekem wok blong hem.

Pris ya Ilae i tok long tufala pikinini blong hem

22Nao pris* ya Ilae i kam olfala tumas, mo oltaem hem i stap harem nius blong ol samting ya we tufala pikinini blong hem i stap mekem long ol man, mo we tufala i stap slip wetem ol woman we oli stap wok long yad blong Haos Tapolen ya we ol man oli stap kam blong mit wetem Hae God long hem.

23Nao hem i tok long tufala, i talem se, “!Tufala! ?From wanem yutufala i stap mekem ol samting ya? Oltaem ol man oli stap kam luk mi blong talemaot ol rabis fasin ya we yutufala i stap mekem.

24!Yutufala i mas lego ol fasin ya! !Ol samting ya we ol man blong Hae God oli stap tokbaot oli rabis olgeta!

25Sipos man i mekem i nogud long wan narafala man, Hae God bambae i save givhan long hem blong stretem sin blong hem. ?Be sipos man i mekem i nogud long Hae God, hu man bambae i save givhan long hem?”

Be tufala ya i no wantem harem ol tok ya blong papa blong tufala nating, from we Hae God i plan finis blong kilim tufala.

26

341 Saml 4.11Taem yu luk we tufala pikinini blong yu i ded long wan dei nomo, hemia bambae i soemaot we ol samting we mi stap talem long yu bambae oli kamtru.

35Bambae mi jusumaot wan narafala pris we oltaem tingting blong hem bambae i save stap strong long mi, mo we i save mekem ol samting we mi mi wantem. Bambae mi mekem we hem bambae i gat plante pikinini blong hem. Mo sipos mi jusumaot wan man blong i kam king, oltaem bambae i gat wan long olgeta we oli kamaot biaen long pris ya, we bambae i pris long ples we king ya bambae i stap long hem.

36Mo sipos i gat olgeta we bambae oli kamaot biaen long yu we oli stap long taem ya, bambae oli mas go luk olgeta we oli kamaot biaen long pris ya blong askem mane mo kakae mo wok long olgeta, blong oli save gat kakae blong olgeta.’ ”