Sekaraea Sotfala stori blong buk ya - Bislama Bible Revised 2012

Sotfala stori blong buk yaBuk ya OL TOK BLONG PROFET SEKARAEA i gat tu haf blong hem we tufala i klia gud.Fas haf i stat long japta 1, i go kasem japta 8. Long ol japta ya i gat ol vison* we Profet Sekaraea i luk, mo ol tok we Hae God i talemaot long hem. Ol samting ya, hem i no luk olgeta evriwan wantaem, be hem i stap luk olgeta, i stat long taem ya we i gat faef handred twanti yia* i stap yet blong kam kasem yia we Kraes* i bon long hem, mo hem i stap luk ol vison ya long tu yia kamkam kasem yia faef handred eitin. Long ol vison ya, hem i luk we i no longtaem Jerusalem* bambae i kam gud bakegen, mo hem i luk we i no longtaem bambae oli stanemap haos* blong Hae God bakegen long ples ya. Mo hem i luk we Hae God bambae i mekem ol man blong hem oli klin long fes blong hem, mo Hae God i talemaot long hem, we Mesaea* bambae i kam.Mo las haf, i stat long japta 9, i go kasem japta 14. Long ol japta ya i gat ol tok blong ol samting we bambae oli kamaot biaen. Long ples ya, i tokbaot Mesaea we bambae i kam, mo i tokbaot taem ya we Hae God bambae i jajem olgeta man long wol.Ol haf blong buk yaOl tok blong wekemap olgeta,mo blong leftemap tingting blong olgeta 1.1—8.23

Hae God bambae i jajem ol kantriwe oli stap raonabaot long Isrel 9.1-8

Ol man bambae oli stap gud, mo oli gat pis 9.9—14.21