Levitikas 14 - Bislama Bible Revised 2012

Fasin blong mekem man we i gat wan rabis sik blong skin i kam klin bakegen long fes blong Hae God

1Nao Hae God i givim ol rul ya long Moses, i talem se,

2 long fes blong mi, wetem wan pis wud blong tri ya sida* mo wan smol rop we i red mo wan han blong smol tri ya hisop,* mo oli mas karem ol samting ya i kam long hem.

5Nao pris i mas talem long wan long olgeta blong i tekem wan long tufala pijin ya, i holem antap long wan graonpot we i fulap long wota we oli kasem long springwota, nao i kilim i ded blong blad blong hem i ron i go insaed long graonpot ya.

6Nao pris i mas tekem narafala pijin ya wetem wud mo rop mo han ya blong hisop, i pusum olgeta evriwan i go long blad ya,

7nao i mas sakem blad ya smosmol i go seven taem long man ya we sik i stap long hem fastaem, blong mekem hem i kam klin bakegen long fes blong mi, mo i mas talemaot we bodi blong man ya i klin, sik ya blong hem i finis. Nao hem i mas letem narafala pijin ya i go fri blong i flae i go.

8Nao man ya i mas wasem ol klos blong hem, mo i mas katemaot hea blong hem, mo i mas swim, mo taem hem i mekem ol samting ya, hem i klin long fes blong mi. I stat long taem ya, hem i save kam insaed long ples ya bakegen we yufala i stap long hem, be i no save go insaed long haos tapolen blong hem, i mas slip afsaed nomo go kasem seven dei.

9Nao long namba seven dei blong hem, hem i mas katemaot hea blong hem bakegen, wetem mustas blong hem, mo hea blong ae blong hem, mo olgeta hea long bodi blong hem, mo i mas wasem klos blong hem bakegen, mo i mas swim, nao long fasin ya, hem i klin gud long fes blong mi.

10“Nao long namba eit dei blong hem, man ya bambae i mas tekem tu smol man sipsip wetem wan smol woman sipsip we trifala evriwan i gat wan yia blong trifala, mo we trifala i no gat wan samting i rong long bodi blong trifala, mo i mas tekem tri kilo flaoa we oli tantanem wetem olifoel,* mo wan panikin olifoel.

11Nao pris i mas tekem man ya wetem ol presen ya blong hem, tufala i kam long doa blong yad blong Haos Tapolen blong mi,

12mo i mas tekem wan long tufala man sipsip ya, wetem panikin olifoel ya blong mekem sakrefaes long sipsip ya blong mekem man ya i klin bakegen long fes blong mi. Pris i mas leftemap tufala samting ya long fes blong mi blong makemaot tufala, se i wan spesel presen blong mi, we biaen, bambae hem i kakae,

13mo i mas kilim sipsip ya insaed long yad blong Haos Tapolen ya, long ples blong kilim anamol blong mekem spesel sakrefaes blong tekemaot sin mo sakrefaes we i blong bonem i bon evriwan. Hem i mas kilim long ples ya from we mit blong sakrefaes ya i tabu we i tabu, ol pris nomo oli save kakae.

14Nao hem i mas tekem sam blad blong smol sipsip ya, i mas putum long raet sora blong man ya, long ples we i sofsof, mo long bigfala fingga blong raet han blong hem, mo long bigfala fingga blong raet leg blong hem.

15Nao long fes blong mi, hem i mas tekem olifoel, i kafsaedem i go long lef han blong hem,

16mo i mas pusum fingga blong raet han blong hem i go long olifoel ya, i sakem smosmol seven taem i go long graon long ples ya.

17Nao hem i mas tekem olifoel ya we i stap yet long lef han blong hem, i putum sam long raet sora blong man ya long ples we i sofsof, mo long bigfala fingga blong raet han blong hem, mo long bigfala fingga blong raet leg blong hem, antap long blad blong sipsip ya we i putum finis,

18mo biaen, haf olifoel ya we i stap yet long han blong hem, hem i mas kafsaedem i go long hed blong man ya. Nao long fasin ya, hem i mekem man ya i kam klin bakegen long fes blong mi.

19“Nao biaen, pris i mas kilim woman sipsip ya blong mekem spesel sakrefaes blong tekemaot sin blong man ya, mo i mas kilim narafala man sipsip ya tu blong mekem sakrefaes ya we i blong bonem i bon evriwan,

20mo i mas bonem long Olta blong mekem wosip long mi, wetem presen ya long kakae blong garen* we i blong bonem blong givim i kam long mi. Long fasin ya, bambae pris i mekem man ya i kam klin, mo long taem ya nao, bambae hem i klin olgeta long fes blong mi.

21“Nao sipos man olsem i pua tumas, i no save tekem tri sipsip blong mekem ol sakrefaes ya long hem, bambae hem i save tekem wan smol man sipsip nomo blong mekem sakrefaes ya blong mekem hem i klin bakegen long fes blong mi. Pris i mas leftemap sipsip ya long fes blong mi blong makemaot se i wan spesel presen blong mi, mo man ya i mas mekem wan presen tu long kakae blong garen, we i tekem wan kilo flaoa we i tantanem wetem olifoel mo wan panikin olifoel.

22Mo hem i mas tekem tu sotleg* no tu nawimba olsem we hem i save pem, wan we i blong mekem spesel sakrefaes ya we i blong tekemaot sin blong hem, mo wan we i blong mekem sakrefaes ya we i blong bonem i bon evriwan blong mekem wosip long mi.

23Nao long namba eit dei blong hem, hem i mas tekem ol samting ya i kam, i givim long pris long doa blong yad blong Haos Tapolen blong mi.

24Nao pris i mas tekem sipsip ya wetem olifoel, i mas leftemap tufala long fes blong mi blong makemaot tufala, se i wan spesel presen blong mi.

25Nao hem i mas kilim sipsip ya, mo i mas tekem sam blad blong hem, i putum long raet sora blong man ya long ples we i sofsof, mo long bigfala fingga blong raet han blong hem, mo long bigfala fingga blong raet leg blong hem.

26Nao long fes blong mi, hem i mas tekem olifoel ya, i kafsaedem i go long lef han blong hem,

27mo i pusum fingga blong raet han blong hem i go long olifoel ya, i sakem smosmol seven taem i go long graon long ples ya.

28Nao hem i mas tekem olifoel ya we i stap yet long lef han blong hem, i putum long raet sora blong man ya long ples we i sofsof, mo long bigfala fingga blong raet han blong hem, mo long bigfala fingga blong raet leg blong hem, antap long blad blong sipsip ya we i putum finis.

29Nao biaen, haf olifoel ya we i stap yet long lef han blong hem, hem i mas kafsaedem i go long hed blong man ya. Nao long fasin ya, bambae hem i mekem man ya i kam klin long fes blong mi.

30Nao biaen, hem i mas kilim tufala sotleg ya no tufala nawimba,

31we wan i blong mekem spesel sakrefaes blong tekemaot sin blong man ya, mo wan i blong bonem i bon evriwan. Mo hem i mas bonem sekenwan ya long Olta wetem presen ya long kakae blong garen we i blong bonem blong givim i kam long mi. Long fasin ya, bambae pris i mekem man ya i kam klin olgeta long fes blong mi.

32“Sipos wan puaman olsem i gat wan rabis sik long skin blong hem, nao sik ya blong hem i finis mo hem i wantem kam klin bakegen long fes blong mi, be i no save pem ol sipsip blong mekem sakrefaes olsem we ol narafala man oli stap pem, hemia nao ol rul we hem i mas folem blong mekem ol sakrefaes blong hem.”

Ol samting olsem nalumlum we i stap gru long wol blong haos

33Nao Hae God i talem long Moses mo Hae Pris Eron se,

34“Bambae mi mi tekem yufala i go insaed long kantri ya we mi promes* blong givim long yufala blong yufala i go stap olwe long hem, kantri ya we naoia ol laen* blong Kenan* oli stap long hem. Mo taem yufala i stap long kantri ya, mo wan long yufala i luk wan samting olsem nalumlum we mi putum i stap gru long wol blong haos blong hem, ol rul we bambae yufala i mas folem i olsem.

35Sipos man i luk we wan samting olsem i stap gru long wol blong haos blong hem, bambae hem i mas kam talemaot long pris.

36Nao pris bambae i mas talem long man ya blong i go karemaot evri samting long haos blong hem i go afsaed, blong hem i save go lukluk gud long samting ya we i stap gru long haos ya. Sipos man ya i no mekem olsem, bambae pris i mas talemaot we olgeta samting we i stap long haos ya oli doti long fes blong mi. Nao biaen, pris bambae i mas go insaed long haos ya,

37i mas lukluk gud long samting ya we i stap gru long wol blong hem. Sipos hem i luk we samting ya i stap kam grin, no i stap kam red, mo i stap kakae wol blong haos,

38-47bambae hem i mas kam afsaed bakegen, nao i mas putum tabu long haos ya blong i stap nomo go kasem seven dei. Nao sipos wan man i go insaed long haos ya, bambae hem i kam doti long fes blong mi, mo bambae hem i stap doti olsem go kasem long sapa. Mo sipos wan man i go ledaon no i go kakae insaed long haos ya, bambae hem i mas wasem ol klos blong hem. Nao long namba seven dei blong hem, bambae pris i mas gobak long haos ya blong lukluk gud long hem bakegen. Mo sipos samting ya i stap gru i go olbaot long haos ya, bambae hem i mas talemaot long ol man blong haos ya, se oli mas tekemaot ol ston blong wol ya we samting ya i stap gru long hem, oli mas karem i go afsaed long taon, oli go sakem olgeta long wan ples we i doti long fes blong mi. Mo oli mas skrasemaot olgeta plasta insaed long haos ya tu, mo oli mas go sakem ol doti blong hem long ples ya. Nao ol man blong haos ya oli mas tekem ol niufala ston blong jenisim olgeta we oli tekemaot, mo oli mas putum niufala plasta long ol wol blong hem.

“Nao sipos samting ya i kamaot bakegen biaen, bambae pris i mas go lukluk haos ya bakegen. Mo sipos samting ya i stap gru i go olbaot bakegen, hemia i min se samting ya i stap spolem haos ya, mo haos ya i kam doti long fes blong mi. Nao ol man blong haos ya oli mas brekemdaon haos ya, mo oli mas karemaot ol ston blong hem wetem ol wud blong hem mo olgeta doti blong hem i go afsaed long taon, nao oli mas go sakem long wan ples we i doti long fes blong mi.

48“Be sipos pris i go lukluk haos ya bakegen, nao i luk we samting ya i no moa kamaot bakegen insaed long hem biaen long taem ya we ol man oli putum niufala plasta long hem, bambae hem i mas talemaot we haos ya i no doti long fes blong mi, from we samting ya we i stap gru long hem i finis finis.

49Nao blong mekem haos ya i kam klin olgeta long fes blong mi, pris bambae i mas tekem tu pijin i kam, wetem wan pis wud blong tri ya sida,* mo wan smol rop we i red, mo wan smol han blong smol tri ya hisop.*

50Nao hem i mas tekem wan long tufala pijin ya, i mas holem antap long wan graonpot we i fulap long wota we oli kasem long springwota, nao i mas kilim i ded blong blad blong hem i ron i go insaed long graonpot ya.

51Nao hem i mas tekem pis wud ya wetem hisop mo rop mo narafala pijin ya, i mas pusum olgeta evriwan i go long blad blong pijin we i miks wetem wota ya, nao i mas sakem blad ya smosmol seven taem i go long haos ya.

52Nao long fasin ya, bambae hem i yusum blad blong pijin ya we i miks wetem wota, mo narafala pijin ya wetem wud mo hisop mo rop ya, blong mekem haos ya i kam klin olgeta long fes blong mi.

53Nao biaen, hem i mas letem narafala pijin ya i go fri, blong i flae, i aot long taon ya i go. Long fasin ya, bambae pris i mekem haos ya i kam klin long fes blong mi, nao bambae haos ya i klin we i klin gud olgeta.

54“Hemia nao olgeta rul blong ol rabis sik blong skin,

55-56mo blong ol soa, mo blong ol boela, mo blong ol ringwom, mo blong ol doti mak we i save gru long ol klos blong man, mo blong ol samting olsem nalumlum we i save gru long wol blong haos.

57Ol rul ya nao oli stap blong makem se wan man no wan samting i klin long fes blong mi, no i no klin olsem.”