Dutronome 4 - Bislama Bible Revised 2012

Moses i tok strong long ol laen blong Isrel se oli mas obei long Hae God

1Nao Moses i talem long ol laen* blong Isrel* se, “!Olgeta! Yufala i mas obei long olgeta loa ya we mi stap tijim yufala long hem. Hae God i God blong ol bubu blong yumi bifo, mo sipos yufala i mekem olsem, bambae yufala i gat longfala laef, mo bambae yufala i save go holem kantri ya we hem i rere blong givim long yufala.

2’

11 Eks 19.16-18; Hib 12.18,19 “Bambae yufala i mas talemaot long ol pikinini blong yufala, stori ya we ol olfala blong yufala oli go stanap long botom blong hil ya, nao i gat bigfala klaod olsem smok we i blak we i blak i kam kavremap hil ya, mo i gat bigfala laet blong faea i stap laet antap long hem.

12Yufala i mas talem long olgeta tu, we long taem ya, Hae God i stap long faea ya, mo i toktok i kam long ol olfala blong yufala, mo taem hem i toktok, olgeta oli harem ol tok blong hem, be oli no luk hem se bodi blong hem i olsem wanem.

13Eks 31.18; 34.28; Dut 9.10Long taem ya, hem i talemaot olgeta samting long mifala we bambae yumi mas mekem blong holemstrong promes* ya we hem i mekem wetem yumi, we stamba blong hem, yumi mas obei long Tenkomanmen ya we hem i raetem finis long tufala flat ston ya.

14Eks 21.1Mo long taem ya, hem i talemaot long mi se mi mas tijim yufala long ol loa ya, blong bambae yufala i save obei long olgeta, long taem ya we yufala i go stap long kantri ya we bambae yufala i holem i blong yufala.”

Tok blong blokem man blong i no bodaon long aedol

15Mo Moses i talem se, “Bifo, antap long hil ya Sinae, long taem ya we Hae God i kamtru long faea, mo i toktok i kam long ol olfala blong yufala, olgeta oli no luk bodi blong hem, oli harem tok blong hem nomo. Nao from samting ya, yufala i mas lukaot gud

16Eks 20.4; Lev 26.1; Dut 5.8; 27.15blong yufala i no wokem ol aedol blong mekem wosip long olgeta. !Fasin ya i sin, mo i tabu blong yufala i mekem! Nating we aedol ya i pija blong man, no blong woman,

17Rom 1.23no blong anamol, no blong pijin,

18no blong fis, no blong ol samting olsem snek mo lised, be yufala i no mas mekem. Ol samting olsem, i tabu blong yumi mekem wosip long olgeta.

19Yufala i mas lukaot gud blong ol man oli no giaman long yufala, blong pulum yufala i go mekem wosip long ol samting ya we yumi stap luk long skae, olsem san, mo mun, mo sta, nao yufala i stap mekem ol wok we ol pris* blong ol samting ya oli stap talem. Hae God i givim ol samting ya finis long ol narafala man blong oli mekem wosip long olgeta.

20Eks 19.5; Dut 7.6; 14.2; 26.18; Taet 2.14; 1 Pita 2.9Be yumi ya, hem i sevem yumi finis. Bifo, taem we yumi stap long Ijip, fasin we oli stap mekem long yumi i strong we i strong, olsem bigfala faea ya we ol man oli kukum gol long hem blong mekem i ronaot, be hem i tekemaot yumi, from we hem i wantem blong yumi kam man blong hem, mo yumi i stap olsem kam kasem tede.

21 Nam 20.12 “Be biaen, taem yumi stap long draeples, Hae God i kros tumas long mi from ol fasin blong ol olfala ya blong yufala, mo from samting ya, hem i talemaot long mi se bambae mi mi no save gokros long Jodan Reva, blong go long gudfala kantri ya we bambae hem i givim long yufala.

22Mi mi no save gokros long reva ya, bambae mi ded long ples ya nomo, be yufala, bambae i no longtaem yufala i gokros blong holem gudfala kantri ya longwe.

23-24Hib 12.29Hae God i God blong yumi, mo kros blong hem i olsem faea we i laet. Yufala i mas lukaot gud. Yufala i no mas fogetem promes* ya we hem i mekem wetem yumi. Yufala i mas obei long tok ya blong hem we i talem se i tabu blong yufala i wokem aedol blong mekem wosip long hem. Yufala i man blong hem, mo hem i no save letem we yufala i mekem wosip long narafala god bakegen.”

25“Nating sipos yufala i stap long kantri ya gogo plante yia i pas, mo yufala i gat pikinini mo ol pikinini blong yufala oli gat pikinini bakegen, be i tabu blong yufala i wokem aedol. !Hemia sin ya! Fasin olsem i no stret nating long fes blong hem. Fasin ya bambae i mekem hem i kros tumas long yufala.

26Mi mi talemaot stret long yufala, mo heven mo wol, tufala i witnes long tok ya blong mi tede. Sipos yufala i wokem aedol, bambae i no longtaem yufala i lus, yufala i no moa stap long kantri ya long narasaed Jodan Reva, we bambae yufala i holem i blong yufala. Hae God bambae i spolemgud yufala.

27Dut 28.36Bambae hem i ronemaot yufala i go wanwan, nao yufala i go miksap wetem ol man blong ol narafala kantri, mo bambae smol haf nomo blong yufala i stap laef.

28Mo long taem ya, bambae smol haf ya nomo blong yufala oli stap mekem wosip long ol aedol ya we ol man nomo oli wokem. Be ol aedol ya, ol man oli wokem long wud no ston nomo, nao oli no save lukluk, oli no save harem wan samting, oli no save kakae, mo oli no save harem smel blong wan samting.

29Jer 29.13Be Hae God i God blong yumi, mo sipos yufala i stap long ol narafala kantri olsem, nao yufala i stap lukaot hem, mo yufala i lukaot hem long olgeta tingting blong yufala, bambae yufala i save faenem hem.

30Sipos ol samting olsem i kam kasem yufala, mo yufala i stap long bigfala trabol, be long taem ya, bambae yufala i save tanem tingting blong yufala, yufala i save kambak long hem blong obei long hem bakegen.

31Hae God, hem i God we i gat sore long man. Hem i no save lego yumi, mo i no save spolem yumi, mo i no save fogetem promes ya we i mekem wetem ol bubu blong yumi bifo.

32-33Yufala i traem tingbaot. Bifo, hem i kamtru long mifala long faea, i toktok long mifala, mo long taem ya, mifala i no ded. Yufala i traem tingbaot ol samting we i hapen olbaot long wol, i stat long taem ya we hem i mekem fas man, i kam kasem taem we yufala i bon. ?I gat wan narafala samting we i bigfala olsem i kamtru finis samples? ?I gat sam narafala man we god blong olgeta i kamtru long olgeta long faea, i toktok long olgeta, be oli no ded long taem ya?

34!Yufala i luk! Neva i gat wan narafala god i girap, i go long wan kantri, i tekemaot sam man, i mekem olgeta oli kam man blong hem, be Hae God i go long Ijip, i tekemaot yumi long han blong olgeta, i mekem yumi kam man blong hem. Mifala we i stap long taem ya, mifala i luk ol samting ya stret long ae blong mifala. Paoa blong hem i bigwan tumas, mo hem i letem ol bigfala trabol i kamtru long ol enemi blong yumi, mo i mekem faet long olgeta. Hem i wokem ol merikel mo ol bigbigfala wok mo ol samting blong sapraes, mo i mekem ol samting we plante man oli fraet tumas from,

35Mak 12.32blong soemaot long yumi se hem nomo i God mo i no moa gat narafala god bakegen i stap.

36Hem i stap long heven, be i toktok i kam long mifala, mo i mekem we mifala i harem voes blong hem, blong i save stretem yumi. Yumi stap long wol ya nomo, be hem i kamtru long mifala long bigfala faea ya we i soemaot we hem i tabu, mo i gat paoa, mo hem i toktok long mifala long faea ya.

37Nao from we hem i lavem tumas ol bubu blong yumi bifo, hem i jusumaot yumi blong yumi man blong hem. Mo long bigfala paoa blong hem, hem nomo i tekemaot yumi long Ijip,

38mo i stap holem promes blong hem blong givim kantri ya long yumi kam kasem tede. Mo nating we ol man blong kantri ya oli plante moa winim yufala, mo oli strong moa long yufala, be sipos yufala i go blong mekem faet long olgeta, hem bambae i stap ronemaot olgeta long fes blong yufala, blong givim kantri ya i go long yufala.

39!Hae God nomo i God! Hem i God blong heven mo blong wol, mo i no gat narafala god bakegen i stap. Tede, yufala i mas tingting gud long tok ya, mo yufala i no mas fogetem samtaem.

40Yufala i mas obei long olgeta loa ya blong hem we mi mi givim long yufala tede. Mo sipos yufala i mekem olsem, bambae yufala i save harem gud, mo ol pikinini blong yufala wetem olgeta we bambae oli kamaot biaen long yufala oli save harem gud. Mo bambae yufala i save stap longtaem long kantri ya we Hae God bambae i givim long yufala. Kantri ya bambae i blong yufala olwe, we bambae yufala i no save finis long hem samtaem.”

Ol taon blong haed we man i save go haed long hem

41 Jos 20.8,9 Nao Moses i jusumaot tri taon long saed ya blong Jodan Reva long is,

42we trifala i ples blong haed. Sipos wan man i kilim narafala man i ded, we hem i akseden nomo, i no tingbaot nating blong kilim man ya, mo man ya i no enemi blong hem, man olsem i save go haed long wan long trifala taon ya, nao angkel blong man ya we i ded bambae i no save kilim hem.

43Trifala taon ya, i gat Bejere, we i stap long bigfala levelples antap long hil long draeples, we i blong ol laen* blong Ruben,* mo Ramot, we i stap long distrik ya Gilead, we i blong ol laen blong Gad,* mo Golan, we i stap long distrik ya Basan, we i blong ol laen blong Manase.*

Ples we Moses i talemaot ol loa blong Hae God bakegen

44-49Nao taem ol laen* blong Isrel* oli aot long Ijip, oli wokbaot gogo oli kam stap long bigfala levelples long medel blong ol hil long saed blong Jodan Reva long is, klosap long taon ya Betpeoro. Ples ya i stap long graon ya we fastaem i blong King Sihon, wan king blong ol laen blong Amoro,* we hedkwota blong hem i stap long taon ya Hesbon, be taem Moses olgeta oli kam long ples ya, oli winim hem, oli holem ol graon blong hem, wetem ol graon blong King Og we i king blong distrik ya Basan. Hemia tufala king blong ol laen ya blong Amoro we oli stap long saed ya blong Jodan Reva long is. Bigfala graon ya, mak blong hem long saot i stat long taon ya Aroere long saed blong Anon Reva, i ron i go kasem Ded* Si long wes, nao i folem Jodan Reva, i ron i go long not, gogo kasem hil ya Sirion, we narafala nem blong hem Hemon. Mo i tekem olgeta ples long saed ya blong Jodan Reva, gogo i kasem saed blong hil ya Pisga long is. Nao taem olgeta oli stap long ples ya, Moses i talemaot long olgeta bakegen, ol loa blong Hae God, wetem ol narafala tok we hem i talem se olgeta oli mas folem.