Nehemaea 10 - Bislama Bible Revised 2012

Ol man we oli saen long promes ya

1Fas man we i saen long promes ya, Nehemaea, we hem i distrikejen* blong distrik ya Juda*, we papa blong hem Hakalia, mo seken man we i saen, Jedekia. Mo biaen, ol narafala lida tu oli saen long hem.

2Ol pris we oli saen long hem, nem blong olgeta i olsem. I gat Seraea, mo Asaria, mo Jeremaea,

3mo Pasuru, mo Amaria, mo Malkia,

4mo Hatus, mo Sebania, mo Maluk,

5mo Harim, mo Meremot, mo Obadaea,

6mo Daniel, mo Gineton, mo Baruk,

7mo Mesulam, mo Abia, mo Miamin,

8mo Mahasia, mo Bilgae, mo Semaea.

9Mo ol Livaet* we oli saen long hem, nem blong olgeta i olsem. I gat Jesua, we papa blong hem Asania, mo Binui, we i laen* blong Henadad, mo Kadmiel,

10mo Sebania, mo Hodia, mo Kelitaha, mo Pelaea, mo Hanan,

11mo Mikaha, mo Rehob, mo Hasabia,

12mo Sakuru, mo Serebia, mo Sebania,

13mo Hodia, mo Bani, mo Beninu.

14Mo ol narafala lida blong mifala we oli saen long hem, nem blong olgeta i olsem. I gat Paros, mo Pahatmoab, mo Elam, mo Satu, mo Bani,

15mo Buni, mo Asgad, mo Bebae,

16mo Adonia, mo Bigvae, mo Adin,

17mo Atere, mo Hesekia, mo Asuru,

18mo Hodia, mo Hasum, mo Bejae,

19mo Harif, mo Anatot, mo Nebae,

20mo Magpias, mo Mesulam, mo Hesiri,

21mo Mesesabel, mo Jadok, mo Jadua,

22mo Pelatia, mo Hanan, mo Anaea,

23mo Hosea, mo Hanania, mo Hasub,

24mo Halohes, mo Pilhaha, mo Sobek,

25mo Rehum, mo Hasabna, mo Mahasea,

26mo Ahia, mo Hanan, mo Anan,

27mo Maluk, mo Harim, mo Bahanaha.

Promes we olgeta oli mekem long fes blong Hae God

28-29Nao long promes ya we olgeta oli mekem, oli talem se, “Hae God. Yu yu God blong mifala ol laen* blong Isrel*, mo yu yu Masta* blong mifala, mo mifala i man blong yu. Bifo, yu yu givim Loa* blong yu long Moses, man blong wok blong yu, blong hem i tijim ol bubu blong mifala long hem.

“Mifala ya, mifala i folem Loa ya blong yu, nao mifala i kamaot long ol man blong ol narafala kantri we oli stap long ples blong mifala, mifala i no moa joen long olgeta, mo naoia, mifala i mekem wan strong promes long fes blong yu, se bambae mifala i obei long olgeta loa blong yu, wetem olgeta tok blong yu mo olgeta rul we yu yu putum.

“Mifala we i joen wanples blong mekem promes ya, mifala ol lida, wetem ol haeman, mo ol pris*, mo ol Livaet*, mo ol gad blong haos* blong yu, mo ol man blong mekem kwaea long haos ya, mo ol man blong wok long haos ya mo ol narafala man we oli no moa joen long ol man ya blong ol narafala kantri, mo i gat ol woman blong mifala mo ol pikinini blong mifala we oli naf blong haremsave samting, olgeta tu oli joen.

“Naoia, mifala evriwan i mekem wan strong promes long fes blong yu, se bambae mifala ya evriwan i folemgud Loa ya blong yu long olgeta laef blong mifala, mo mifala i agri se sipos wan long mifala i brekem promes ya we mifala i mekem tede, bambae mifala i no moa kaontem hem se i man blong yu.

30 blong hem, bambae mifala i letem graon ya i spel, mo oltaem, long namba seven yia, bambae mifala i kilimaot olgeta kaon we mifala i stap mekem long mifala.

32 Eks 30.11-16 “Evri yia, bambae mifala wanwan i givim wan handred seventi vatu*, blong pem ol samting blong haos* blong yu.

33Mane ya i blong pem ol samting olsem. I gat ol bred we i blong putum long tabu ples, mo ol kakae we i blong bonem blong mekem sakrefaes evri dei, mo ol anamol we i blong bonem evriwan blong mekem sakrefaes evri dei, mo ol presen we i tabu, we oli blong givim long Sabat dei, mo long Lafet* blong Niumun*, mo long ol narafala lafet, mo ol narafala presen bakegen, mo ol anamol blong mekem sakrefaes blong tekemaot ol sin blong mifala, mo ol narafala samting bakegen we i mas gat long haos blong yu.

34“Hae God, yu yu God blong mifala. Mifala olgeta man, wetem ol pris, mo ol Livaet, evri yia bambae mifala i yusum ol spesel ston* blong faenemaot long yu, se laen blong hu nao bambae oli tekem faeawud fastaem blong bonem sakrefaes long yu, olsem we Loa i talem.

35 Eks 23.19; 34.26; Dut 26.2 “Evri yia, bambae mifala i tekem presen long ol fas kakae we mifala i tekemaot long garen, mo presen long ol fas frut blong ol tri blong mifala, mifala i karem i kam long haos blong yu.

36 Eks 13.2 “Mo ol fasbon pikinini boe blong mifala, bambae mifala i tekem olgeta i kam long ol pris long haos blong yu, blong oli prea, oli givim olgeta i go long yu, oli blong yu, olsem we Loa i talem. Mo ol fasbon blong ol buluk, mo blong ol sipsip, mo blong ol nani blong mifala, bambae mifala i givim olgeta tu i go long yu.

37 Nam 18.21 “Evri yia, flaoa we mifala i wokem long fas kakae blong wit* mo bale* blong mifala, mo niu waen we mifala i wokem, mo niu olifoel*, mo ol narafala frut blong ol tri blong mifala, bambae mifala i karem olgeta i kam, mifala i givim long ol pris long haos blong yu.

“I wok blong ol Livaet blong oli tekem ol taet* blong ol kakae blong garen*, mo sipos olgeta oli kam long ol vilej blong mifala, bambae mifala i karem ol taet blong ol kakae blong garen blong mifala i kam, mifala i givim long olgeta.

38Nam 18.26Ol pris blong yu oli laen blong Eron, mo sipos ol Livaet ya oli stap wokbaot blong pikimap ol taet, be bambae i mas gat pris tu i wokbaot wetem olgeta. Mo biaen, ol man ya tu bambae oli mas tekemaot taet long ol kakae ya we oli kasem long mifala blong givim i go long yu. Nao olgeta bambae oli mas karem i go long haos blong yu, mo oli mas putumgud long ol storum blong hem. Nao ol pris bambae oli save yusum ol kakae ya long haos blong yu.

39Evri yia, mifala long ol narafala laen wetem ol Livaet ya, bambae mifala i tekem ol kakae ya, wetem ol niu waen, mo ol niu olifoel, we mifala i givim i go long yu, bambae mifala i karem olgeta i kam long haos blong yu, mifala i putum long haf blong haos ya we ol samting blong mekem wosip i stap long hem, mo we ol pris we oli stap wok long haos ya, mo ol gad blong haos ya, mo ol man blong mekem kwaea oli stap long hem. Nao olgeta ya oli save yusum ol kakae ya.

“Yu yu God blong mifala, mo bambae mifala i lukaot gud long haos ya blong yu.”