2 Jon Sotfala stori blong buk ya - Bislama Bible Revised 2012

Sotfala stori blong buk ya SEKEN LETA BLONG JON, wan man we i “elda*”, hem i raetem i go long “wan woman we God i jusumaot hem”, mo long “ol pikinini blong hem”. Plante man oli ting se tok ya “woman” wetem “ol pikinini blong hem”, hem i minim wan jos wetem ol memba blong hem. Leta ya i talem long olgeta blong oli lavlavem olgeta, mo i wonem olgeta blong oli mas lukaot gud, blong ol tija we tijing blong olgeta i no stret oli no kam spolem olgeta long ol giaman tijing blong olgeta.Ol haf blong buk yaFastok 1-3

Ol Kristin man oli mas lavem ol man 4-6

Toktok blong wonem ol Kristin man 7-11

Lastok 12-13