1 Kronikel 20 - Bislama Bible Revised 2012

King Deved i holem taon ya Raba(2 Samuel 12.26-31)

1 Mo hem i mekem sem fasin tu long ol man blong ol narafala taon ya long Amon. Nao biaen, hem wetem ol man blong hem oli kambak long Jerusalem.

Ol laen blong Isrel oli go mekem faet long ol lariken man blong Filistia(2 Samuel 21.15-22)

4Nao biaen ol laen* blong Isrel* oli go faet bakegen long ol man Filistia long taon ya Gesa. Mo long taem ya, i gat wan man Husa we nem blong hem Sibekae, we i kilim wan lariken man blong ol man Filistia i ded, we nem blong hem Sipae, nao ol laen blong Isrel oli winim olgeta.

5 1 Saml 17.4-7 Mo biaen bakegen, oli go faet long ol man Filistia, nao Elanan, we papa blong hem Jaere, hem i faet long Lami, we i brata blong man Gat ya Golaeat, nao i kilim hem i ded. Man ya, handel blong spia blong hem i bigwan olsem rafta blong haos.

6Mo biaen bakegen, oli go faet long olgeta long taon ya Gat. Long ples ya, i gat wan lariken man blong olgeta, we i kamaot biaen long ol lariken man blong bifo, we hem i gat twelef fingga long han blong hem, sikis long wan, sikis long wan, mo i gat twelef fingga tu long leg blong hem, sikis long wan, sikis long wan.

7Man ya i singaot i kam long ol laen blong Isrel blong wan long olgeta i go faet long hem, nao Jonatan, we papa blong hem Sama ya we i brata blong King Deved, hem i go kilim man ya i ded.

8Trifala lariken man ya oli kamaot biaen long ol lariken man blong Gat bifo, mo King Deved wetem ol man blong hem oli kilim trifala i ded.