1Fasin ya we yumi bilif strong long God, hem i soemaot long yumi we olgeta samting ya we yumi stap putum tingting blong yumi i strong long hem, olgeta oli tru. Mo hem i soemaot long yumi we olgeta samting ya we yumi no save luk, be oli stap.
2Nao from we ol olfala blong yumi bifo oli stap bilif strong long God, taswe hem i soemaot long olgeta se oli stret man long fes blong hem.
3
12Jen 15.5; 22.17; 32.12Nating we Ebraham i olfala finis we klosap i ded, be long wan man ya nomo i gat ol laen* we oli kamaot biaen long hem we oli plante we plante, olsem ol sta long skae mo sanbij long solwota we man i no save kaontem.
13 Jen 23.4; 1 Kron 29.15; Sam 39.12 Olgeta man ya oli stap bilif strong long God, be taem oli ded, oli no kasem ol samting ya yet we God i promes finis blong givim long olgeta. Olgeta oli stap luk ol samting ya olsem we ol samting ya oli stap longwe yet long olgeta, be oli glad tumas blong luk. Nao olgeta oli stap talemaot we oli stap long wol ya, be i olsem we oli strenja nomo, wol ya i no prapa ples blong olgeta.
14Taem ol man oli tok olsem, oli soemaot i klia we oli stap lukaot wan prapa ples blong olgeta.
15Tingting blong olgeta i no stap gobak long ples blong olgeta, we oli aot long hem finis. Sipos oli stap tingbaot olsem, bambae oli gat janis blong gobak, be i no olsem.
16Olgeta oli wantem wan narafala ples blong olgeta we i gud moa, we ples ya i stap long heven nomo. Mo God i mekemrere wan taon blong olgeta finis, mo from samting ya, hem i no gat sem blong olgeta oli talem se hem i God blong olgeta.
17 Jen 22.1-14 Mo from we Ebraham i stap bilif strong long God, taswe taem God i traem hem, hem i rere blong kilim pikinini blong hem Aesak, blong givim i go long God. God i mekem ol promes ya long Ebraham, mo Ebraham i gat wan pikinini nomo, be hem i rere blong kilim hem blong givim i go long God.
18Jen 21.12God i talemaot long hem finis se, “Long Aesak ya, bambae laen blong yu oli plante we plante, blong oli holem nem blong yu.”
19Be Ebraham i stap tingbaot we God i save mekem man i laef bakegen long ded. Mo hem i kasem pikinini ya blong hem bakegen, klosap olsem we hem i laef bakegen long ded.
20 Jen 27.27-29,39,40 Mo from we Aesak i stap bilif strong long God, taswe hem i blesem Jekob mo Esao se God bambae i givim ol gudgudfala samting long tufala.
21 Jen 48.1-20; Jen 47.31 Mo from we Jekob i stap bilif strong long God, taswe taem we klosap hem i ded, hem i blesem tufala pikinini blong Josef wanwan. Hem i stanap we i lei nomo long wokingstik blong hem, nao i stap presem God.
22 Jen 50.24,25; Eks 13.19 Mo from we Josef i stap bilif strong long God, taswe long taem ya we klosap hem i ded, hem i stap tokbaot taem ya we bambae ol laen blong Isrel* oli aot long Ijip. Mo hem i stap tok rere tu long olgeta, se bambae oli mas mekem olsem wanem long ol bun blong hem.
23 Eks 2.2; Eks 1.22 Mo from we papa mo mama blong Moses, tufala i stap bilif strong long God, taswe taem Moses i bon, tufala i stap haedem hem gogo kasem tri manis. Tufala i luk we hem i wan gudfala pikinini, nao tufala i no fraet blong brekem tok blong king*.
24 Eks 2.10-12 Mo from we Moses i stap bilif strong long God, taswe taem hem i kam bigman, hem i no wantem we olgeta oli talem se hem i pikinini blong gel blong Fero.
25Hem i no wantem blong i stap hapi long fasin blong sin we i blong smoltaem nomo, hem i glad moa blong go joen long ol man blong God blong harem nogud wetem olgeta.
26Hem i stap ting se sipos ol man oli laf long hem from Mesaea* ya we God bambae i sanem hem i kam, be hem bambae i no save sem. Hem i harem gud moa long samting ya, i winim we i harem gud long ol gudfala samting blong laef long Ijip. Hem i mekem olsem from we oltaem hem i stap luk long pei we God bambae i givim long hem.
27Mo from we Moses i stap bilif strong long God, taswe hem i aot long Ijip, we i no fraet long king ya we i kros tumas. Hem i no save tanemraon blong gobak, i stap gohed olwe nomo, olsem we i stap luk God ya we man i no save luk long ae blong hem.
28Eks 12.21-30Mo from we hem i stap bilif strong long God, taswe hem i statem fasin ya blong Lafet* blong Pasova*. Hem i talemaot long ol laen blong Isrel se oli mas putum blad blong sipsip i go long pos blong doa blong haos blong olgeta. Oli mekem olsem blong bambae enjel ya we God i sanem blong kilim man, hem i no save kilim ol fasbon blong olgeta.
29 Eks 14.21-31 Mo from we ol laen blong Isrel oli stap bilif strong long God, taswe oli save gokros long Red Si, we oli wokbaot long drae graon nomo. Be taem ol man Ijip oli traem folem olgeta, solwota ya i kambak bakegen, i draonem olgeta.
30 Jos 6.12-21 Mo from we ol laen blong Isrel oli stap bilif strong long God, taswe olgeta oli stap wokbaot, i goraon long bigfala stonwol blong taon ya Jeriko evri dei gogo kasem seven dei, nao biaen, bigfala stonwol ya i foldaon.
31Jos 6.22-25; Jos 2.1-21Mo from we woman blong rod ya Rehab, hem i stap bilif strong long God, taswe hem i glad blong tekem tufala man ya long laen blong Isrel we tufala i kam blong lukluksave ples, tufala i kam insaed long haos blong hem. Mo from samting ya, ol laen blong Isrel oli no kilim woman ya long taem ya we oli kilim ol man blong ples ya we oli no ona long God.
32 Jaj 6.11—8.32; Jaj 4.6—5.31; Jaj 13.2—16.31; Jaj 11.1—12.7; 1 Saml 16.1—1 King 2.11; 1 Saml 1.1—25.1 Be mi mi no save gohed moa. Mi mi no gat taem blong tokbaot Gideon mo Barak mo Samson mo Jeftaha mo Deved mo Samuel mo ol profet.
33Dan 6.1-27Olgeta ya oli stap bilif strong long God, taswe oli mekem plante samting. Oli lidim ol laen blong Isrel blong oli go faet long ol man blong ol narafala ples, mo oli winim olgeta. Oli stap mekem ol stret fasin, mo oli kasem ol gudfala samting we God i promes blong givim long olgeta. Oli blokem ol laeon, blong oli no kam kakae olgeta,
34Dan 3.1-30mo oli kilimdaon bigfala faea we i laet strong, mo oli ronwe long ol man we oli wantem kilim olgeta long naef blong faet. Olgeta oli no gat paoa, be God i givim paoa long olgeta, nao oli strong long taem blong faet, oli stap winim ol soldia blong ol narafala kantri.
351 King 17.17-24; 2 King 4.25-37I gat sam woman we oli bilif strong long God, taswe hem i mekem ol pikinini blong olgeta oli laef bakegen long ded. Be sam narafala man we oli stap bilif strong long God, oli letem ol enemi blong olgeta oli stap mekem olgeta oli harem nogud tumas long bodi blong olgeta, be oli no tingbaot samting ya. Oli no wantem lego bilif blong olgeta, blong oli save go fri, oli bilif se God bambae i mekem olgeta oli laef bakegen long wan laef we i gud moa.
361 King 22.26,27; 2 Kron 18.25,26; Jer 20.2; 37.15; 38.6Mo sam long olgeta, ol man oli laf nogud long olgeta, mo oli wipim olgeta. Mo sam long olgeta, ol man oli fasem olgeta long jen, oli putum olgeta long kalabus.
372 Kron 24.21Mo sam long olgeta, ol man oli stonem olgeta long ston gogo oli ded, mo sam long olgeta, ol man oli tekem so, oli katem bodi blong olgeta long tu haf, blong kilim olgeta. Mo sam long olgeta, ol man oli kilim olgeta long naef blong faet. Mo sam long olgeta oli stap wokbaot, we oli no gat klos, oli putum ol skin blong sipsip mo nani nomo. Olgeta oli pua tumas, mo oltaem ol man oli stap spolem olgeta, oli stap mekem i nogud tumas long olgeta.
38Olgeta oli gudfala man tumas, wol ya i no naf blong oli stap long hem. Be oli stap mekem ples blong olgeta olbaot nomo, long draeples, mo long hil, mo long hol blong ston, mo long hol long graon.
39Nao from we olgeta ya oli stap bilif strong long God olsem, hem i givim gud nem long olgeta, we bambae i no save lus samtaem. Be olgeta oli no kasem ol gudfala samting yet we God i promes blong givim long olgeta,
40from we hem i mekem wan plan blong hem finis, se bambae hem i mekem i gud moa long yumi. Mo long plan ya blong hem, hem i wantem joenem olgeta wetem yumi fastaem, from we long fasin ya nomo, hem bambae i save mekem olgeta ya tu oli kam stret gud olgeta.
Stret fasin we Jisas Kraes i soemaotWho We AreWhat We EelieveWhat We Do
2025 by iamachristian.org,Inc All rights reserved.
