1 Kronikel 25 - Bislama Bible Revised 2012

Ol man blong plei long stringban blong mekem wosip long Hae God long haos blong hem

1Nao King Deved wetem ol lida blong ol Livaet* oli jusumaot tri man long olgeta, we nem blong trifala, Asaf, mo Heman, mo Jedutun, blong trifala wetem samfala pikinini blong trifala oli stap lidim wosip. Wok blong olgeta, oli stap talemaot ol tok we Hae God i givim long olgeta, mo oli stap plei long simbol* mo gita blong joenem ol tok ya. Nem blong ol man we oli mekem wok ya, wetem ol wok we trifala grup ya wanwan oli mekem i olsem.

2Long fas grup, i gat fo pikinini boe blong Asaf, we nem blong olgeta, Sakuru, mo Josef, mo Netania, mo Asarela. Olgeta ya oli stap wok aninit long papa blong olgeta, oli stap folem tok blong hem, mo hem i stap talemaot tok blong Hae God long taem we king i putum.

3Mo long seken grup, i gat sikis pikinini boe blong Jedutun, we nem blong olgeta, Gedalia, mo Jeri, mo Jesaea, mo Simei, mo Hasabia, mo Matitia. Olgeta oli stap wok aninit long papa blong olgeta, nao oli stap plei long gita, oli stap talemaot ol tok we Hae God i givim long olgeta, mo oli stap singsing blong presem hem mo blong talem tangkiu long hem.

4Mo long namba tri grup, i gat fotin pikinini boe blong Heman, we nem blong olgeta, Bukia, mo Matania, mo Usiel, mo Sebuel, mo Jerimot, mo Hanania, mo Hanani, mo Eliata, mo Gidalti, mo Romamtiesa, mo Josbekasa, mo Maloti, mo Hotiri, mo Mahasiot.

5Heman i profet blong king, mo Hae God i givim fotin pikinini boe ya wetem tri dota long hem olsem we i bin promes long hem finis, blong mekem hem i gat hae nem.

6Ol pikinini ya oli stap wok aninit long hem, oli stap plei long simbol mo gita, blong mekem wosip long Hae God long haos* blong hem.

Nao Asaf, mo Heman, mo Jedutun, trifala i stap wok aninit long king, mo oltaem, trifala i stap obei long tok blong hem.

7Olgeta twanti fo man ya oli savegud ol fasin blong singsing, mo ol narafala Livaet tu we oli stap joen wetem olgeta oli tren gud long hem. Ful kampani blong olgeta ya, i gat tu handred eiti eit man evriwan.

8Nao King Deved i seraot ol famle blong olgeta ya i go long twanti fo grup folem ol lida ya, we i gat twelef man long wan grup, twelef man long wan grup. Nao blong ol grup ya oli kasem ol wok blong olgeta, nating we oli olfala, no oli yangfala, mo nating we oli tren gud, no oli stap lan yet, be ol lida blong olgeta oli sakem ol spesel ston* blong faenemaot se wanem grup bambae i wok fastaem. Nao long fasin ya, olgeta twanti fo grup ya oli kasem wok blong olgeta.

9Fas grup blong mekem singsing, Josef wetem ol famle blong hem, we Josef ya, papa blong hem Asaf, mo namba tu grup, Gedalia wetem ol famle blong hem,

10mo namba tri grup, Sakuru wetem ol famle blong hem,

11mo namba fo grup, Jeri wetem ol famle blong hem,

12mo namba faef grup, Netania wetem ol famle blong hem,

13mo namba sikis grup, Bukia, wetem ol famle blong hem,

14mo namba seven grup, Asarela, wetem ol famle blong hem,

15mo namba eit grup, Jesaea, wetem ol famle blong hem,

16mo namba naen grup, Matania wetem ol famle blong hem,

17mo namba ten grup, Simei wetem ol famle blong hem,

18mo namba leven grup, Usiel wetem ol famle blong hem,

19mo namba twelef grup, Hasabia, wetem ol famle blong hem,

20mo namba totin grup, Sebuel wetem ol famle blong hem,

21mo namba fotin grup, Matitia wetem ol famle blong hem,

22mo namba fiftin grup, Jerimot wetem ol famle blong hem,

23mo namba sikistin grup, Hanania, wetem ol famle blong hem,

24mo namba seventin grup, Josbekasa wetem ol famle blong hem,

25mo namba eitin grup, Hanani wetem ol famle blong hem,

26mo namba naentin grup, Maloti, wetem ol famle blong hem,

27mo namba twanti grup, Eliata wetem ol famle blong hem,

28mo namba twanti wan grup, Hotiri wetem ol famle blong hem,

29mo namba twanti tu grup, Gidalti wetem ol famle blong hem,

30mo namba twanti tri grup, Mahasiot wetem ol famle blong hem,

31mo namba twanti fo grup, Romamtiesa wetem ol famle blong hem.