1 Taswe, kam kasem tede, ol man oli stap talem se, “Antap long hil blong Hae God, hem i stap givim evri samting.”
15Nao enjel ya blong Hae God i tok bakegen,
16Hib 6.13,14i talemaot long Ebraham se, “Hae God i talem se, ‘Long nem blong mi, mi mi promes* se bambae mi blesem yu bigwan. Pikinini ya blong yu i wan nomo we yu yu gat, be yu yu no holemtaet hem, yu rere nomo blong letem hem i ded. Mo from we yu yu mekem olsem,
17Hib 11.12mi mi promes long yu se olgeta we bambae oli kamaot biaen long yu, bambae oli plante we plante. Bambae oli plante olsem ol sta long skae, mo olsem sanbij daon long solwota. Olgeta ya bambae oli stap winim ol enemi blong olgeta.
18Wok 3.25Bambae ol man blong ol narafala kantri oli save prea long mi blong mi blesem olgeta, olsem we bambae mi blesem olgeta ya. Be bambae mi mi mekem i gud tumas long olgeta we bambae oli kamaot biaen long yu, from fasin ya we yu yu mekem tede, we yu obei long tok ya blong mi.’ ”
19Nao Ebraham wetem Aesak tufala i kambak long tufala man ya blong hem, nao olgeta oli kambak bakegen long Bereseba. Nao hem i mekem ples blong hem long ples ya.
Ol laen blong Naho20Biaen long taem ya lelebet, Ebraham i harem nius we brata blong hem Naho wetem woman blong hem Milka tufala i gat eit pikinini boe blong tufala.
21-23Ol pikinini ya, i gat Uj we i fasbon, mo Bus, mo Kemuel, we i papa blong Aram, mo Kesed, mo Haso, mo Pildas, mo Jidlaf, mo Betuel, we i papa blong Rebeka. Hemia nao nem blong ol eit pikinini boe blong Naho we Milka i bonem.
24Mo Naho ya i gat wan narafala woman blong hem, we nem blong hem Rumaha, mo hem i bonem fo pikinini boe blong hem bakegen, we nem blong olgeta, Teba, mo Gaham, mo Tahas, mo Mahaka.
Who We AreWhat We EelieveWhat We Do
2025 by iamachristian.org,Inc All rights reserved.
