Josua 15 - Bislama Bible Revised 2012

Graon we i go long ol laen blong Juda

1Ol graon we ol laen* blong Juda* oli kasem i blong olgeta i olsem. Distrik blong olgeta i finisim bigfala draeples ya Jin, mo i go kasem mak blong kantri ya Edom, long saot.

2Mak blong hem long saot i stat long en blong Ded* Si long saot,

3i pas long rod ya long Akrabim we i go tru long ol hil, mo i go kasem draeples ya Jin. Mo i pas narasaed Kadesbanea long saot, i bitim taon ya Hesron, i go antap long Adara,* i tanemraon i go long Kaka,

4mo i go kasem taon ya Asmon. Nao i folem reva ya we i mak blong graon blong ol man Ijip i go kasem Mediterenian Si, mo mak blong hem long saot i finis long ples ya. Hemia nao ol mak blong distrik blong olgeta saed i go long saot.

5Mo long saed i go long is, mak blong distrik ya i stat long en blong Ded Si bakegen, i folem saed blong hem i go kasem maot blong Jodan Reva long not.

Mo long saed i go long not, mak blong hem i stat long ples ya bakegen,

6i go kasem taon ya Betogla, i go pas narasaed bigfala hil ya long Betaraba long not, we yu save lukluk i godaon long Jodan Reva, mo i gokros kasem bigfala ston ya we nem blong hem “Ston blong Bohan”. Bohan ya, papa blong hem Ruben.*

7Nao mak i go kasem bigfala levelples ya Akoro long medel blong ol hil, mo i go kasem taon ya Debiri, mo i tanem i go long Gilgal long not, nao i go kasem rod ya long Adumim we i gotru long ol hil saed i kam, mo i folem rod ya i go kasem springwota ya Ensemes mo i gotru long springwota ya Enrogel.

8Nao i go stret, i folem krik ya Hinom, i pas saed i kam, aninit long hil ya we Jerusalem,* taon blong ol man Jebus i stap long hem. Mo mak blong hem i go antap long hil, long saed blong krik ya Hinom long saed long wes, klosap long bigfala levelples ya Refaem,* long medel blong ol hil, long saed i go long not.

9Mo mak i stat long ples ya bakegen, i go kasem springwota ya Neftoa, mo i go kasem ol taon ya klosap long hil ya Efron. I tanem bakegen long ples ya, i go stret long taon ya Bahala we narafala nem blong hem Kiriatsearim.

10Mak i tanem long ples ya bakegen long saed blong Bahala long wes, i go stret long ol ples blong hil long Edom, mo i pas klosap long hil ya Jearim saed i go long not, we narafala nem blong hil ya Kesalon. Mo i godaon, i kasem Betsemes, mo i go bitim taon ya Timnaha.

11Mo mak ya i go antap long hil, long saed blong Ekron long not, mo i tanem i go long taon ya Sikeron, i bitim hil ya Bahala, i go long taon ya Jamnia, mo i go finis long Mediterenian Si.

12Mo Mediterenian Si ya, hem i mak blong distrik ya long wes, go kasem saot.

Hemia nao ol graon blong distrik ya we ol laen blong Juda* oli stap long hem.

Keleb i winim ol man Hebron mo ol man Debiri(Jajes 1.11-15)

13

Hem i jam long dongki blong hem, i go luk papa blong hem, nao taem i kamtru, papa blong hem i askem long hem se, “?Aksaha, yu kam from wan samting?”

19Hem i talem se, “Yes, Papa. Graon ya we yu givim long mitufala i drae tumas. Mi mi wantem sam ples moa we i gat wota long hem.” Nao papa blong hem i givim graon ya we i gat ol springwota long hem, antap mo daon.

Ol taon we i go long ol laen blong Juda

20Distrik ya Juda* we ol laen* blong Juda oli holem i blong olgeta i olsem.

21I gat ol taon blong olgeta we oli stap longwe long saot, klosap long mak blong graon blong ol man Edom. Nem blong olgeta, Kabjehel, mo Eda, mo Jaguru,

22mo Kina, mo Dimona, mo Adada,

23mo Kedes, mo Hajoro, mo Jitnan,

24mo Sif, mo Telem, mo Bealot,

25mo Hajohadata, mo Keriotesron, we narafala nem blong hem Hajoro,

26mo Amam, mo Sema mo Molada,

27mo Hajagada, mo Hesmon, mo Betpelet,

28mo Hajasual, mo Bereseba, mo Bisiotia,

29mo Bahala, mo Ijim, mo Ejem,

30mo Eltolad, mo Kesil, mo Homa,

31mo Jiklag, mo Madmanaha, mo Sansanaha,

32mo Lebaot, mo Silim, mo Aen, mo Rimon. Hemia nao ol twanti naen taon we oli stap long saed ya, wetem ol vilej we oli stap raonabaot long olgeta.

33Mo i gat ol taon blong olgeta olbaot long ol smosmol hil saed i go long wes. Nem blong olgeta, Estaol, mo Joraha, mo Asnaha,

34mo Sanoa, mo Enkanim, mo Tapua, mo Enam,

35mo Jamut, mo Adulam, mo Soko, mo Aseka,

36mo Saharaem, mo Aditaem, mo Gederaha mo Gederotaem. Hemia nao ol fotin taon we oli stap long saed ya, wetem ol vilej we oli stap raonabaot long olgeta.

37Mo i gat ol narafala taon bakegen blong olgeta, we nem blong olgeta, Jenan, mo Hadasa, mo Migdalgad,

38mo Dilean, mo Mispa, mo Joktehel,

39mo Lakis, mo Boskat, mo Eglon,

40mo Kabon, mo Lamas, mo Kitlis,

41mo Gederot, mo Betagon, mo Nahama mo Makeda. Hemia nao ol sikistin taon we oli stap long saed ya, wetem ol vilej we oli stap raonabaot long olgeta.

42Mo i gat ol narafala taon bakegen blong olgeta, we nem blong olgeta, Libnaha, mo Eta, mo Asan,

43mo Jiftaha, mo Asnaha, mo Nejib,

44mo Kehila, mo Aksib mo Maresa. Hemia nao ol naen taon we oli stap long saed ya, wetem ol vilej we oli stap raonabaot long olgeta.

45Mo i gat taon ya Ekron wetem ol taon mo ol vilej we oli stap raonabaot long hem,

46mo ol taon mo vilej ya klosap long Asdod saed i kam, i stat long Ekron, i go kasem Mediterenian Si.

47Mo i gat taon ya Asdod, wetem ol taon mo ol vilej raonabaot long hem, mo taon ya Gasa wetem ol taon mo ol vilej raonabaot long hem, i go kasem reva ya we i mak blong graon blong ol man Ijip long saot, mo i go kasem Mediterenian Si long wes.

48Mo long ples blong hil, i gat ol taon, we nem blong olgeta, Samiri, mo Jatiri, mo Soko,

49mo Danaha, mo Kiriatsefa, we narafala nem blong hem Debiri,

50mo Anab, mo Estemoho, mo Anim,

51mo Gosen, mo Holon mo Gilo. Hemia nao ol leven taon we oli stap long saed ya, wetem ol vilej we oli stap raonabaot long olgeta.

52Mo i gat ol narafala taon, we nem blong olgeta, Arab, mo Dumaha mo Esan

53mo Janim, mo Betapua, mo Afeka,

54mo Humtaha, mo Kiriataba, we narafala nem blong hem Hebron, mo Jioro. Hemia nao ol naen taon we oli stap long saed ya, wetem ol vilej we oli stap raonabaot long olgeta.

55Mo i gat ol narafala taon, we nem blong olgeta, Maon, mo Kamel, mo Sif, mo Jutaha,

56mo Jisrehel, mo Jokdeam, mo Sanoa,

57mo Kaen, mo Gibea mo Timnaha. Hemia nao ol ten taon we oli stap long saed ya, wetem ol vilej we oli stap raonabaot long olgeta.

58Mo i gat ol narafala taon, we nem blong olgeta, Halhul, mo Betsuru, mo Gedoro,

59mo Maharat, mo Betanot mo Eltekon. Hemia nao ol sikis taon we oli stap long saed ya, wetem ol vilej we oli stap raonabaot long olgeta.

60Mo i gat tu narafala taon we nem blong tufala, Kiriatbal, we narafala nem blong hem Kiriatsearim, mo Raba. Hemia nao tufala taon we i stap long saed ya, wetem ol vilej we oli stap raonabaot long tufala.

61Mo long draeples i gat ol narafala taon, we nem blong olgeta, Betaraba, mo Midin, mo Sekaka,

62mo Nibsan, mo Iramelak we i ples blong tekem sol, mo Enkedi. Hemia nao ol sikis taon we oli stap long saed ya, wetem ol vilej we oli stap raonabaot long olgeta.

63 Jaj 1.21; 2 Saml 5.6; 1 Kron 11.4 Be ol laen ya blong Juda oli no naf blong ronemaot ol laen blong Jebus ya bifo, we oli stap long Jerusalem* long taem ya, mo oli stap yet long ples ya wetem olgeta kam kasem tede.