Sam 93 - Bislama Bible Revised 2012

Hae God, hem i king(Tok i go long Hae God.)

1!Hae God, yu yu king!

Hae nem blong yu mo paoa blong yu

i stap oltaem long yu,

olsem klos blong yu nomo.

Yu yu stanemap wol ya,

mo hem i stanap strong long ples blong hem

we i no save muf.

2Hae God, yu yu King.

Yu yu stap rul bifo olgeta kam kasem naoia,

mo paoa blong yu i no save foldaon.

Yu yu stap bifo we bifo olgeta,

kam kasem tede.

3Hae God.

Noes blong dipsi i go antap,

we i go antap olgeta.

4Be yu yu stap rul long heven,

mo yu yu hae moa.

Mo voes blong yu i strong moa

i winim noes blong dipsi.

Paoa blong yu i strong moa,

i winim paoa blong ol bigsi.

5Hae God,

ol loa blong yu oli blong oltaem nomo.

Haos* blong yu i tabu we i tabu,

mo bambae i stap oltaem nomo,

gogo i no save finis.