1Nao i gat wan bigfala win i blu, mo Hae God i kamtru long win ya, i tok long Job, i talem se,
2“?Yu hu ya we yu stap talem
se mi mi no waes?
Ol tok ya blong yu i soemaot
we yu no gat hed nating.
3Sipos yu yu wan man, yu stanap,
yu ansa long ol kwestin blong mi.
4“?Taem we mi mi mekem wol ya,
yu yu stap wea?
Sipos yu save, yu talem long mi.
5?Hu i makemaot wol ya,
se bambae i bigwan olsem wanem?
?Hu i pulum teplaen antap long hem
blong makem saes blong hem?
?Yu save ansa long ol kwestin ya?
6-7Long moning blong dei ya
we mi mi stanemap ol pos we oli holem wol ya,
mo mi putum fandesen blong hem,
ol sta oli harem gud tumas,
oli stap singsing wanples,
mo ol enjel long heven oli glad tumas,
oli stap singsingaot,
be mi no luk yu long taem ya.
?Ol pos ya oli stanap long wanem?
?Mo hu i putum fas ston
long kona blong fandesen ya,
we ol narafala ston blong hem
oli stap laenap long hem?
8
we ren bambae i kam?
37?Hu i waes gud,
we i save kaontem ol klaod long skae,
mo hu i save kafsaedem olgeta
blong ren i folfoldaon,
38i mekem asis blong graon i wetwet
nao biaen i kam strong?
39-40“?Taem ol laeon oli stap haed
long hol blong ston,
no oli stap wet
blong kasem kakae blong olgeta,
yu yu stap go tekem kakae i kam
blong oli kakae?
?Yu yu stap givim kakae
long ol pikinini blong olgeta
we oli hanggri tumas?
41?Taem ol pijin ya reven* oli hanggri,
mo oli stap go olbaot
blong lukaot kakae,
mo ol pikinini blong olgeta
oli stap krae long mi
from we oli wantem kakae,
hu nao i stap fidim olgeta?
Who We AreWhat We EelieveWhat We Do
2025 by iamachristian.org,Inc All rights reserved.
