1Nao Hae God i givim tok blong hem long Moses
2blong i go talemaot long ol laen* blong Isrel.* Hem i talem se, “Oltaem long stret taem blong mekem sakrefaes, bambae yufala i mas bonem ol kakae long Olta blong givim i kam long mi, blong mekem wosip long mi, mo gudfala smel blong hem bambae i mekem mi mi glad tumas long hem. Ol rul blong ol sakrefaes ya bambae i olsem.”
Ol kakae we i blong bonem wetem tufala sakrefaes ya we olgeta oli mas mekem evri dei3-4“Evri dei, bambae yufala i mas kilim tu smol man sipsip, we tufala evriwan i gat wan yia blong tufala, mo yufala i mas mekem sakrefaes ya long tufala we i blong bonem i bon evriwan. Fasin ya yufala i mas mekem oltaem nomo, we wan long tufala, yufala i mekem sakrefaes long hem long moning, mo narawan, yufala i mekem long sapa. Mo kakae we yufala i mas bonem wetem tufala blong givim i kam long mi i olsem.
5Long moning, taem yufala i bonem fas sipsip ya, yufala i mas tekem wan kilo flaoa we oli wokem long wit* we i beswan, mo yufala i mas tantanem wetem wan lita olifoel* we i beswan, nao yufala i bonem wetem sipsip ya.
6Sakrefaes ya, mi mi talemaot tok blong hem long yufala bifo, long taem ya we yufala i stap long hil ya Sinae, mo bambae yufala i mas mekem evri dei nomo. Bambae yufala i mas bonem i bon evriwan, mo gudfala smel blong hem bambae i mekem mi mi glad tumas long hem.
7Mo taem yufala i mekem sakrefaes ya, bambae yufala i mas kafsaedem wan lita waen tu i go long Olta, blong givim i kam long mi.
8Mo long sapa, taem yufala i mekem sakrefaes long seken sipsip ya, bambae yufala i mas givim sem kakae ya bakegen, olsem we yufala i givim long moning. Ol kakae ya, hem i wan presen we yufala i bonem blong givim i kam long mi, mo gudfala smel blong hem bambae i mekem mi mi glad tumas long hem.”
Ol kakae we i blong bonem wetem ol spesel sakrefaes ya we oli mas mekem long Sabat dei9Nao Hae God i talem se, “Mo oltaem long Sabat* dei, bambae yufala i mas mekem narafala sakrefaes bakegen long mi. Bambae yufala i mas kilim tu man sipsip we tufala evriwan i gat wan yia nomo blong tufala, mo tufala i no gat wan samting i rong long bodi blong tufala. Mo wetem tufala sipsip ya, yufala i mas bonem tu kilo flaoa we yufala i tantanem wetem olifoel,* mo yufala i mas kafsaedem waen tu i go wetem tufala long Olta.
10Sakrefaes ya, yufala i mas bonem i bon evriwan, mo yufala i mas mekem sakrefaes olsem evri taem long Sabat dei, antap long tu narafala sakrefaes ya we yufala i mas mekem evri dei, wetem ol kakae mo waen we yufala i mas kafsaedem i go long Olta wetem tufala.”
Ol kakae we i blong bonem wetem ol sakrefaes ya we oli mas mekem long fas dei blong manis11Nao Hae God i talem se, “Mo oltaem, long fas dei* blong manis, bambae yufala i mas mekem ol narafala sakrefaes bakegen long mi. Bambae yufala i mas kilim tu yang bul, mo wan man sipsip, mo seven smol man sipsip we oli gat wan yia blong olgeta, mo olgeta anamol ya evriwan oli no mas gat wan samting i rong long bodi blong olgeta. Ol anamol ya, yufala i mas bonem olgeta oli bon evriwan.
12Nao wetem tufala bul ya, yufala i mas bonem sikis kilo flaoa we yufala i tantanem wetem olifoel,* tri kilo wetem wan, tri kilo wetem wan, mo wetem man sipsip ya, yufala i mas bonem tu kilo flaoa olsem bakegen.
13Mo wetem ol seven smol sipsip ya, yufala i mas bonem seven kilo flaoa olsem bakegen, wan kilo wetem wan, wan kilo wetem wan. Ol kakae ya, hem i wan presen we yufala i mas bonem i bon evriwan blong givim i kam long mi, mo gudfala smel blong hem bambae i mekem mi mi glad tumas long hem.
14Mo waen we i stret blong bonem wetem ol sakrefaes ya i olsem. Wetem tufala bul ya, yufala i mas kafsaedem fo lita waen i go long Olta, tu lita wetem wan, tu lita wetem wan, mo wetem man sipsip ya, wan lita haf. Mo wetem ol seven smol sipsip ya, yufala i mas kafsaedem seven lita waen, wan lita wetem wan, wan lita wetem wan. Hemia ol kakae we i blong bonem wetem ol sakrefaes ya we yufala i mas mekem oltaem long fas dei blong manis.
15Mo bakegen, antap long tufala sakrefaes ya we yufala i stap mekem evri dei, wetem ol kakae mo waen ya we yufala i stap bonem wetem tufala, long fas dei blong manis, bambae yufala i mas kilim wan man nani blong mekem spesel sakrefaes ya blong tekemaot sin blong yufala.”
Ol kakae we i blong bonem wetem ol sakrefaes we oli mas mekem long Lafet blong Kakae Bred we i No Gat Is long hem(Levitikas 23.5-14)16 , we yufala i kam givim ol niufala kakae long mi, bambae yufala i mas kam wanples blong mekem wosip long mi, mo long dei ya, bambae i tabu blong yufala i mekem wok blong yufala long hem.
27Long dei ya, bambae yufala i mas kilim tu yang bul, mo wan man sipsip, mo seven smol man sipsip we oli gat wan yia blong olgeta, mo olgeta anamol ya evriwan oli no mas gat wan samting i rong long bodi blong olgeta. Nao yufala i mas mekem sakrefaes ya long olgeta, we i blong bonem i bon evriwan, mo gudfala smel blong hem bambae i mekem mi mi glad tumas long hem.
28Mo kakae we i stret blong yufala i bonem wetem ol sakrefaes ya i olsem. Wetem tufala bul ya, bambae yufala i mas bonem sikis kilo flaoa we yufala i tantanem wetem olifoel,* tri kilo wetem wan, tri kilo wetem wan, mo wetem man sipsip ya, bambae yufala i mas bonem tu kilo flaoa olsem bakegen.
29Mo wetem ol seven smol sipsip ya, bambae yufala i mas bonem seven kilo flaoa olsem bakegen, wan kilo wetem wan, wan kilo wetem wan.
30Mo long taem ya, bambae yufala i mas kilim wan man nani blong mekem spesel sakrefaes ya blong tekemaot sin blong yufala, blong yufala i save joen gud long mi bakegen.
31Bambae yufala i mas bonem ol sakrefaes ya wetem ol kakae mo waen blong olgeta, antap long tufala sakrefaes ya we yufala i stap mekem evri dei, wetem ol kakae we yufala i stap bonem wetem tufala, mo yufala i mas lukluk gud se i no gat wan samting i rong long bodi blong ol anamol ya.”
Who We AreWhat We EelieveWhat We Do
2025 by iamachristian.org,Inc All rights reserved.