Sam 82 - Bislama Bible Revised 2012

God i stap jajem ol haeman we wok blong olgeta i no stret(Sing ya, Asaf i wokem.)(Tok i go long ol man.)

1God i stap mekem kot long heven,

hem i stap jajem ol haeman ya

we oli gat paoa blong jajem man.

2Hem i talem se,

“Yufala i mas lego fasin ya

we yufala i stap jajem ol man

long fasin we i no stret.

Bambae yufala i no moa saed

long ol man nogud bakegen.

3Yufala i mas lukaot gud

long raet blong ol puaman,

mo blong ol pikinini

we papa blong olgeta i ded.

Yufala i mas mekem i stret

long olgeta we oli stap trabol

mo long olgeta we oli no gat paoa.

4Yufala i mas tekemaot olgeta

long paoa blong ol man nogud.

5“!Yufala i no save wan samting nating!

!Yufala i no gat hed!

Fasin blong yufala i nogud olgeta.

Naoia, stret fasin blong jajem man

i lus finis long wol.

6 Jon 10.34 Mi mi God, mi hae we mi hae,

mo mi talem finis se,

‘Yufala i god,

yufala evriwan i pikinini blong mi.’

7Be bambae yufala i ded olsem ol narafala man,

bambae laef blong yufala i finis

olsem laef blong ol narafala haeman.”

(Tok i go long God.)

8God,

plis yu kam, yu rulum wol ya.

Ol man blong olgeta kantri oli blong yu.