1Mi mi wan elda* blong jos, mo mi talem halo long yu we yu yu wan woman we God i jusumaot yu. Mo mi talem halo long ol pikinini blong yu tu. Mi mi lavem yufala, from we yumi joen long God we hem i stamba blong trutok. Mo i no mi nomo, be olgeta evriwan we oli joen long hem, olgeta tu oli lavem yufala.
2Mifala i lavem yufala, from we God we i stamba blong trutok hem i stap finis wetem yumi, mo bambae hem i stap oltaem wetem yumi.
3Yumi ya, yumi save God we i stamba blong trutok mo yumi stap lavlavem yumi. Mo prea blong mi we God Papa blong yumi, wetem Jisas Kraes*, Pikinini blong hem, bambae tufala i stap givhan long yumi long gladhat blong tufala, tufala i gat sore long yumi, mo tufala i putum pis i stap wetem yumi.
Yumi mas folem ol tok we i tru, mo yumi mas lavem ol man4Mi mi glad tumas from we mi luk we sam pikinini blong yu oli stap folem ol tok we i tru, olsem we Papa blong yumi i talem long yumi blong yumi mekem.
5
9Man we i ova long mak blong ol tijing blong Kraes, nao i joenem sam moa tok bakegen we i kamaot long tingting blong hem nomo, God i no stap long laef blong hem. Be man we i stap folemgud ol tijing blong Kraes, Papa blong yumi wetem Pikinini blong hem, tufala i stap long laef blong hem.
10Sipos wan man i kam long yufala, be hem i no tijim yufala long ol stret tok ya we Kraes i tijim yumi long hem, bambae yufala i no tekem hem i kam insaed long haos blong yufala. Sipos man olsem i kam, be bambae yufala i no talem halo long hem,
11from we man we i stap talem halo long man olsem, hem i stap joen long hem long ol rabis wok blong hem.
Lastok12Mi mi gat plante tok blong talem long yufala, be mi no wantem raetemdaon long pepa. Mi mi stap tingting strong, blong kam luk yufala, mo taem mi kam, bambae mi save talem ol tok ya stret long fes blong yufala. Long fasin ya, bambae yumi evriwan i save glad we i glad.
13Ol pikinini blong sista ya blong yu we God i jusumaot hem, oli talem halo long yu.
Who We AreWhat We EelieveWhat We Do
2025 by iamachristian.org,Inc All rights reserved.
