Esra 4 - Bislama Bible Revised 2012

Ol enemi oli agens long wok ya blong wokem haos blong Hae God

1Nao taem ol enemi blong ol laen* blong Juda* wetem ol laen blong Benjamin* oli harem we olgeta oli aot long Babilonia oli kambak, mo oli stap wokem bakegen haos* ya blong Hae God we i God blong olgeta,

2Ol enemi oli agens long olgeta we oli wokem taon ya Jerusalem

6Biaen we plante yia i pas, long taem ya we King Sekses i rul long Pesia, ol enemi blong ol man Jerusalem* wetem ol narafala man Juda,* oli raetem wan leta blong agens long olgeta, nao oli sanem i go long hem.

7Mo bakegen, long taem we King Ataksekses i rul long Pesia, Bislam, mo Mitredat, mo Tabehel, wetem ol fren blong trifala oli raetem wan leta i go long king ya. Oli raetem leta ya long lanwis ya Arameik,* mo oli wantem se taem man blong king ya i ridim leta ya i go long hem, bambae i mas tanem i go long lanwis blong hem.

8Mo Rehum we i haeman blong king long provins ya Narasaed Yufretes Reva long Wes, wetem Simsae we i sekretari blong provins ya, tufala tu i raetem wan leta i go long King Ataksekses, we long leta ya tufala i tok agens long ol man Jerusalem. Long leta ya, tufala i talem se,

9-11“King Ataksekses, mi Rehum, mi haeman blong yu long provins ya Narasaed Yufretes Reva long Wes. Mi wetem Simsae we i sekretari blong provins ya, mo ol fren blong mitufala, mifala i raetem leta ya i kam long yu. Ol fren ya blong mitufala, i gat ol jaj, mo ol haeman we fastaem, sam oli man Erek, mo sam oli man Babilonia, mo sam oli man Susa long kantri ya Elam. Mo i gat ol narafala man tu, we King Asubanipal bifo i bin tekem olgeta i kam. King ya i wan hae king we i gat paoa, mo hem i bin tekemaot olgeta long ol ples blong olgeta, nao i kam putum olgeta oli stap long taon ya Sameria,* mo long ol ples olbaot long provins ya.

“Mifala ol man blong wok blong yu long provins ya.

12Mifala i wantem blong yu yu save we ol man Juda ya we oli aot long ol narafala provins blong yu, naoia oli kam stap long Jerusalem, mo oli stap wokem taon ya bakegen we oltaem, ol man blong hem oli stap mekem ol rabis fasin, mo oli stap agensem ol king. Oli stap wokemgud ol fandesen blong bigfala stonwol blong taon ya, mo oli stap wokem stonwol ya blong hem bakegen, mo bambae i no longtaem oli finisim.

13“King, sipos oli wokem taon ya bakegen, mo oli finisim bigfala stonwol blong hem, bambae oli no moa save pem ol takis blong olgeta. Nao mane we i stap kam long yu, bambae i godaon.

14Mo from we mifala i stap wok blong yu, mifala i no wantem luk samting olsem i kamtru. Taswe mifala i talemaot long yu,

15blong yu save talem long ol man blong yu, blong oli traem lukaot ol ripot blong taon ya long ol ololfala buk we ol bubu blong yu bifo oli bin raetemdaon. Sipos yu mekem olsem, bambae yu faenem we ol man blong taon ya, oltaem oli stap agens long ol king, mo we i stat bifo olgeta i kam kasem tede, oli stap mekem ol king mo ol lida blong provins ya oli trabol. Oltaem i strong tumas blong rulum olgeta. From ol samting ya nao, ol man bifo oli spolem taon ya.

16Taswe mifala i bilif strong se sipos oli wokem taon ya bakegen, mo oli finisim bigfala stonwol blong hem, bambae yu lusum olgeta ples long provins ya.”

17Nao king i raetem ansa blong leta ya, i sanem i go long Rehum olgeta, i talem se,

“Mi, King Ataksekses, mi talem halo long yu, Rehum, we yu haeman blong mi, mo long yu Simsae, we yu sekretari blong provins ya Narasaed Yufretes Reva long Wes, mo long ol fren blong yutufala we oli stap long Sameria, mo long ol narafala ples long provins ya.

18“Leta ya we yufala i sanem i kam, oli bin tanem i kam long lanwis blong mi, nao oli ridim i kam long mi.

19Nao mi mi talem long ol man blong mi blong oli go faenemaot bisnes ya, mo olgeta oli faenem we ol tok we yufala i talem i tru nomo. I stat bifo olgeta, i kam kasem tede, oltaem ol man Jerusalem oli stap girap, oli stap agens long ol king blong ol narafala kantri. Mo long ples ya, oltaem i gat fulap man we oli stap agens long ol loa, mo oltaem oli stap mekem trabol.

20Bifo, ol king blong ples ya oli gat paoa mo oli stap rul long olgeta ples long provins ya we yufala i stap long hem naoia, mo oli stap tekem takis long olgeta man blong provins ya.

21Nao from samting ya, yufala i mas putum wan tok blong blokem olgeta, blong oli no moa gohed blong wokem taon ya bakegen, gogo kasem we mi mi givim wan tok long yufala bakegen.

22Plis yufala i mekem samting ya kwiktaem, blong oli no moa spolem ol wok blong mi.”

23Nao taem man we i tekem leta ya i kam, i ridim i go long Rehum mo Simsae, mo ol fren blong tufala, kwiktaem nomo oli go long Jerusalem, oli fosem ol man Juda ya blong oli finis, oli no moa wokem taon ya bakegen.

Ol laen blong Juda oli stat bakegen blong wokem haos blong Hae God

24 , ol laen* blong Juda* oli no moa wokem haos* blong Hae God bakegen, oli livim i stap, gogo kasem namba tu yia we King Darias i rul long Pesia.