2 Tesalonaeka Sotfala stori blong buk ya - Bislama Bible Revised 2012

Sotfala stori blong buk yaOl man blong jos long Tesalonaeka oli stap trabol from we oli harem plante toktok, se Jisas i kambak bakegen finis, mo oli no save se wanem tok nao i tru. Nao Pol i raetem seken leta blong hem i go long ol Kristin man long Tesalonaeka blong talemaot trutok long olgeta. Hem i talem se Jisas bambae i kambak bakegen, be fastaem ol rabis fasin i mas kam nogud olgeta anda long rul blong wan man we bambae i kamtru, we nem blong hem “Man blong Brekem Loa”, mo hem bambae i agens long Kraes*.Pol i talemaot i klia se ol man we oli ridim leta ya oli mas stanap strong long bilif blong olgeta, nomata we bambae oli gat plante trabol, mo oli harem nogud tumas. Mo hem i talem se oli mas gohed blong wok had blong kasem ol samting we oli sot long hem long laef blong olgeta, olsem we hem wetem ol man we oli wok wetem hem oli stap mekem, mo oli mas gohed blong mekem ol gudfala wok.Ol haf blong buk yaFastok 1.1-2

Pol i glad long olgeta mo i presem olgeta 1.3-12

Pol i tijim ol manse Jisas bambae i kambak bakegen olsem wanem 2.1-17

Pol i tijim olgetalong fasin blong Kristin man 3.1-15

Lastok 3.16-18