Namba Sotfala stori blong buk ya - Bislama Bible Revised 2012

Sotfala stori blong buk yaBuk ya NAMBA BLONG OL LAEN BLONG ISREL, we sotfala nem blong hem NAMBA, hem i talem stori blong Moses wetem ol laen* blong Isrel,* i stat taem oli aot long hil ya Sinae, gogo kasem we oli kamtru long Jodan Reva we i mak blong kantri ya Kenan* we Hae God i promes blong givim long olgeta. Ol stori blong buk ya oli kavremap klosap foti yia we olgeta oli stap wokbaot long draeples. Buk ya i karem nem ya from we tu taem, Moses olgeta oli kaontem ol laen blong Isrel. Fastaem we hem i kaontem olgeta, olgeta oli stap yet long hil ya Sinae, mo seken taem, oli stap long Jodan Reva saed i go long is, mo klosap oli rere blong gokros.Biaen long fas sensas ya we Moses i mekem, olgeta oli aot long Sinae, oli go long ples ya Kadesbanea, long mak blong kantri ya Kenan saed i go long saot, be long taem ya, olgeta oli fraet tumas blong go insaed long kantri ya, nao oli no go. Nao from we olgeta oli no trastem Hae God, hem i mekem olgeta oli kasem panis, we longtaem tumas, oli stap wokbaot olbaot nomo long draeples, gogo olgeta ya we oli no trastem hem oli ded evriwan. Nao ol pikinini blong olgeta oli aot long ples ya, oli go kasem Jodan Reva long saed i go long is, nao sam long olgeta oli holem graon blong olgeta long ples ya, mo olgeta narafala oli mekemrere blong gokros long reva ya, blong go holem graon blong olgeta long kantri ya we Hae God i promes finis blong givim long olgeta.Buk ya i talem stori blong ol man blong Hae God we oli kasem hadlaef, mo we plante taem oli fraet, mo tingting blong olgeta i foldaon. Plante taem, olgeta oli girap, oli agens long Moses we i lida blong olgeta, mo oli agens long Hae God tu. Mo buk ya i soemaot fasin blong Moses, we samtaem tingting blong hem i no longfala, mo samtaem ol man blong hem oli mekem hem i kros tumas long olgeta, be hem i no lego olgeta, oltaem i stap putum tingting blong hem i stap strong long Hae God blong mekem ol samting we hem i wantem. Mo antap moa, buk ya i soemaot we fasin blong Hae God i no save jenis. Oltaem hem i stap lavem ol man blong hem, mo nating we oli no strong, mo samtaem oli girap oli agens long hem, mo oli brekem tok blong hem, be oltaem hem i stap lukaot gud long olgeta, mo i stap givhan gud long olgeta.Ol stori we oli stap long buk yaOl laen blong Isrel oli mekemrereblong aot long hil ya Sinae 1.1—9.23Fas sensas we Moses moHae Pris Eron tufala i mekem 1.1—4.49Hae God i givim ol loa mo ol rul long olgeta 5.1—8.26Seken Lafet blong Pasova 9.1-23Olgeta oli aot long hil ya Sinae,oli wokbaot go kasem kantri ya Moab 10.1—21.35Ol samting we i kasem olgeta long kantri ya Moab 22.1—32.42Sotfala stori we i tokbaot rod blong olgetawe i stat long Ijip, i kam kasem Moab 33.1-49Ol tok we Hae God i givim long olgeta,taem oli no gokros long Jodan Reva yet 33.50—36.13