Nehemaea Sotfala stori blong buk ya - Bislama Bible Revised 2012

Sotfala stori blong buk yaBuk ya STORI BLONG NEHEMAEA i gat fo haf blong hem. Fas haf i tokbaot man ya Nehemaea we king blong Pesia i sanem hem i gobak long Jerusalem* blong hem i kam distrikejen* long Juda.* Mo seken haf i tokbaot ol laen* blong Isrel* we oli wokem bigfala stonwol blong Jerusalem i gud bakegen. Mo namba tri haf i tokbaot we pris* ya Esra i ridimaot Loa* blong God long olgeta man, nao olgeta oli talemaot ol sin blong olgeta long God. Mo namba fo haf i tokbaot ol narafala wok bakegen we Nehemaea i mekem long Juda. Bigfala samting we buk ya i tokbaot, hem i soemaot fasin blong Nehemaea we hem i putum olgeta tingting blong hem i stap strong long God, mo oltaem i stap prea long hem. Mo i gat plante prea blong hem i stap long buk ya.Ol stori we i stap long buk yaNehemaea i aot long Babilon, i gobak long Jerusalem 1.1—2.20

Ol laen blong Isrel oli wokem bigfala stonwol blong Jerusalemi gud bakegen 3.1—7.73

Pris ya Esra i ridimaot Loa blong God long olgeta mannao olgeta oli mekempromes blong olgeta wetem God i stanap bakegen 8.1—10.39

Ol narafala wok bakegen we Nehemaea i mekem 11.1—13.31