Sam 89 - Bislama Bible Revised 2012

Sing we ol laen blong Isrel oli sing long hem long taem we kantri blong olgeta i stap long trabol(Sing ya, Etan we i laen blong Esraha i wokem.)(Tok i go long Hae God.)

1Hae God.

Oltaem bambae mi stap singsing

from fasin ya blong yu

we oltaem yu yu lavem man tumas.

Fasin ya blong yu

we oltaem yu stap holem ol promes blong yu,

bambae mi stap talemaot oltaem nomo,

gogo i no save finis.

2Mi mi save we fasin ya blong yu blong lavem man

bambae i stap oltaem nomo,

mo fasin ya blong yu blong holem ol promes blong yu

bambae i olsem skae, i no save lus.

3Yu yu talem se,

“Mi mi mekem promes finis

wetem Deved,

man ya blong wok blong mi

we mi mi jusumaot hem bifo.

4 blong mi,

wehem gudfala fasin ya blong yu

we yu stap soemaot bifo,

we oltaem yu stap lavem man tumas?

?Wehem ol promes ya

we yu yu mekem wetem King Deved bifo?

50Mi mi man blong wok blong yu,

plis yu no fogetem mi.

Oltaem ol man oli stap tok nogud long mi,

mo ol hiten man oli stap singaot* trabol i kam long mi.

51Hae God,

mi mi king we yu nomo yu jusumaot mi,

be ol enemi blong yu oli stap tok nogud long mi.

Long weples we mi mi pas long hem,

be olgeta oli stap laf nogud long mi.

(Tok i go long ol man.)

52!Oltaem bambae yumi mas presem Hae God,

gogo i no save finis!

!Amen!

!Amen!