Hagae Sotfala stori blong buk ya - Bislama Bible Revised 2012

Sotfala stori blong buk yaLong buk ya, i gat ol tok we Hae God i bin talemaot long Profet Hagae, long taem ya we i gat faef handred twanti yia* i stap yet blong kam kasem yia we Kraes* i bon long hem. Long taem ya, ol laen* blong Isrel* oli aot finis long Babilonia we oli bin stap wok slef* long hem, oli kambak, oli stap long Jerusalem* bakegen. Oli stap longtaem long Jerusalem, be haos* blong Hae God ya we ol enemi oli bin brebrekem, hem i stap nogud yet. Nao long ol toktok ya, Hae God i talem long ol lida blong olgeta, se oli mas wokem haos ya bakegen. Mo hem i mekem promes* wetem olgeta, se sipos oli mekem olsem, mo oli tanem tingting blong olgeta from ol sin blong olgeta, oli kambak long hem bakegen, hem bambae i mekem olgeta oli gat plante samting bakegen, mo bambae oli gat pis long ples blong olgeta.Ol haf blong buk yaHae God i talem se oli mas wokem haos blong hem bakegen 1.1-15

Hae God i givim tok long olgetablong leftemap tingting blong olgeta 2.1-23